អត្ថប្រយោជន៍នៃការរស់នៅមានសុខភាពល្អនៅវ័យក្មេងគឺជារឿងមានប្រយោជន៍ណាស់។ ការបង្កើតនូវជម្រើសរបៀបរស់នៅដែលផ្តល់សុខភាពដល់កូនអ្នកដើម្បីអាចបង្ការជំងឺ និងមានអាយុវែង។អ្នកក៏ទំនងជាអាចផ្តល់ទម្លាប់ល្អៗទាំងនេះទៅកូនចៅជំនាន់ក្រោយបន្ថែមទៀតដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នកគឺជាស្រ្តី និងកំពុងតែឆ្ងល់ថាតើធ្វើដូចម្តេចទើបអាចពង្រឹងដល់សុខភាពបាននោះ អ្នកកំពុងតែអានអត្ថបទត្រូវហើយ។ ខាងក្រោមនេះខ្ញុំនឹងបង្ហាញអំពីជម្រើសរបៀបរស់នៅផ្តល់សុខភាព ៥យ៉ាង ដែលស្រ្តីគ្រប់គ្នាគួរតែធ្វើនៅពេលដឹងខ្លួនថាឈានដល់អាយុខ្ទង់ ៣០ឆ្នាំហើយ៖
ជ្រើសរើសការហាត់ប្រាណណាមួយដែលអ្នកចូលចិត្ត
បើសិនជាអ្នកមិនអាចហាត់ប្រាណទៀងទាត់ ឬមានទម្លាប់ហាត់ជាប់ក្នុងរយៈពេលប៉ុន្មានឆ្នាំមុនទេ វាគួរតែដល់ពេលហើយ។ នៅពេលអ្នកឈានដល់អាយុខ្ទង់ ៣០ ទៅ ៤០ឆ្នាំ សាច់ដុំនឹងចាប់ផ្តើមថយចុះ ហើយរាងកាយក៏ឈប់ធ្វើការបានល្អដូចកាលពីវ័យ ២០ឆ្នាំដែរ។ ក្រោយពេល អាយុ៣៥ឆ្នាំ កំហាប់ឆ្អឹងរបស់ស្រ្តីក៏ចាប់ផ្តើមថយចុះ ហើយប្រឈមនឹងការពុកឆ្អឹងថែមទៀត។ ការមានទម្លាប់ធ្វើសកម្មភាពរាងកាយជាប់នឹងជួយឲ្យអ្នកមានរាងស្អាត ទ្រទ្រង់ដល់សុខភាពឆ្អឹង បង្កើនសុខភាពពបេះដូង និងសុខភាពទាំងមូល។ ចូរព្យាយាមហាត់ប្រាណកម្រិតមធ្យម ១៥០នាទីក្នុងមួយសប្តាហ៍។
ញ៉ាំអាហារមានតុល្យភាព
ចូរបញ្ចូលបន្លែ ផ្លែឈើ និងគ្រាប់ធញ្ញជាតិក្នុងរបបអាហារឲ្យបានច្រើន ដោយសារតែវាសម្បូរជាតិសរសៃ ប្រូតេអ៊ីន និងជីវជាតិសំខាន់ៗដែលរាងកាយត្រូវការដើម្បីសុខភាព។ តាមពិតទៅ អ្នកស្រាវជ្រាវបានរកឃើញថា អាយុ ៣២ឆ្នាំ គឺជាវ័យដ៏ល្អបំផុតសម្រាប់ស្រ្តីចាប់ផ្តើមជ្រើសរើសអាហារ ឬរៀបចំគម្រោងញ៉ាំអាហារដែលផ្តល់សុខភាព។ ចូរចៀសវាងការបន្ថែមផ្អែម ដែលមិនមែនជាជីវជាតិសំខាន់ និងបង្កើនការប្រឈមនឹងជំងឺរ៉ាំរ៉ៃជាច្រើនដូចជា ធាត់ជ្រុល ឬជំងឺបេះដូង។
ជ្រើសរើសខ្លាញ់ផ្តល់សុខភាពល្អជាងមុន
ចូរជំនួសខ្លាញ់ Saturated Fats មកប្រើខ្លាញ់ Unsaturated Fats ពីប្រេងអូលីវ ប្រេងផ្លែបឺរ ត្រីសម្បូរខ្លាញ់ គ្រាប់ធញ្ញជាតិ និងគ្រាប់ផ្លែឈើដើម្បីបន្ថយការប្រឈមនឹងជំងឺបេះដូង និងការឆាប់ស្លាប់។ ការជ្រើសរើសខ្លាញ់ផ្តល់សុខភាពក៏នឹងជួយបន្ថយកូឡេស្តេរ៉ុលអាក្រក់ និងបង្កើនការសម្រកទម្ងន់ផងដែរ។
ញ៉ាំទឹកគ្រប់គ្រាន់
ការញ៉ាំទឹកបានគ្រប់គ្រាន់នឹងជួយដល់ការសម្រកទម្ងន់ បង្កើនការរំលាយអាហារ ពង្រឹងដល់អារម្មណ៍ និងផ្សេងៗទៀត។ (អាន:ថ្នាំងងុយគេង ពេលអ្នកគួរប្រើ)ពេលខ្លះ ការញ៉ាំសាបធម្មតាអាចជារឿងគួរតែធុញទ្រាន់ ដូច្នេះអ្នកអាចបន្ថែមរសជាតិផ្សេងពីក្រូចឆ្មាបាន៕