Join with Health.com.kh on Telegram

ការចាប់ផ្តើមថ្ងៃថ្មីជាមួយនឹងទម្លាបប់ផ្តើមសុខភាពគឺជារឿងដ៏ល្អបំផុតដែលអ្នកអាចធ្វើបានដើម្បីសុខភាព ជាពិសេសក្នុងពេលផ្ទុះវីរុសថ្មីកូវីដ១៩នេះតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទម្លាប់ផ្តល់សុខភាពអាចជួយបង្ការ ឬគ្រប់គ្រងជំងឺជាច្រើន និងការបង្ករោគដែលទាក់តងនឹងអនាម័យបានដូចជា ពពួកវីរុសកូវីដ ១៩ ដែលកំពុងតែរាលត្បាតពេញពិភពលោកយ៉ាងលឿន។ ការលាងសម្អាតដៃ និងទម្លាប់ផ្តល់សុខភាពផ្សេងៗត្រូវបានសម្កាល់ឃើញថា ជាមធ្យោបាយដ៏ល្អបំផុតដែលអាចបង្ការ ឬបន្ថយការប្រឈមនឹងការឆ្លងវីរុសកូវីដ១៩ បាន។ 

ខាងក្រោមនេះគឺជាទម្លាប់ផ្តល់សុខភាពដែលអ្នកអាចធ្វើបានដើម្បីបង្ការការបង្ករោគដោយវីរុសកូវីដ១៩៖

ទឹកក្រូចឆ្មាក្តៅឧណ្ហៗ

ការញ៉ាំភេសជ្ជៈច្រោះជាតិពុលមួយនេះដំបូងគេងនៅពេលព្រឹកនឹងជួយលុបបំបាត់ជាតិពុលចេញពីរាងកាយ និងបង្កើនការរំលាយអាហារបាន។ វត្តមានវីតាមីន C ដ៏ខ្ពស់ក្នុងទឹកក្រូចឆ្មាក៏ជួយពង្រឹងដល់ប្រព័ន្ធភាពស៊ាំសម្រាប់ទប់ស្កាត់វីរុស និងមេរោគផ្សេងៗបាន។ ការចាប់ផ្តើមថ្ងៃថ្មីជាមួយនឹងការញ៉ាំទឹកក្រូចឆ្មាមួយកែវនឹងជួយឲ្យអ្នកមានសុខភាពល្អបាន។ 

អនុវត្តសុវត្ថិភាពអាហារ

ចូរលាងសម្អាតដៃ សម្ភារៈប្រើប្រាស់ផ្ទះបាយ និងផ្ទៃដាក់របស់របរនៅពេលរៀបចំអាហារ។ ចូរលាងសម្អាតផ្លែឈើ និងបន្លែឲ្យបានស្អាតល្អមុនញ៉ាំ។ ចូរញ៉ាំ និងរក្សាអាហារក្នុងកន្លែងដែលល្អបំផុត ជាពិសេសនៅសីតុណ្ហភាពគ្រប់គ្រាន់ដើម្បីថែរក្សាជីវជាតិរបស់វា និងចៀសវាងការផ្ទុកជំងឺ។

លាងសម្អាតដៃជាញឹកញាប់

ប្រអប់ដៃយើងមានមេរោគច្រើនណាស់ ដូច្នេះចូរប្រាកដថា អ្នកបានលាងសម្អាតដៃរួចហើយតាមរយៈការប្រើប្រាស់សាប៊ូ និងទឹក។ ចូរលាងសម្អាតដៃមុនពេល ឬក្រោយញ៉ាំអាហារ ក្រោយចេញពីបន្ទប់ទឹក កាន់របស់របរគគ្រិច លាងរបួស ឬប៉ះពាល់អ្នកជំងឺ ក្អកឬកណ្តាស។ល។ ចូរថែរក្សាអនាម័យឲ្យបានល្អជានិច្ចដូចជា ការប្រើទឹកលាងដៃមានជាតិអាលកុលនៅពេលគ្មានទឹក និងសាប៊ូប្រើប្រាស់។ អនាម័យដៃគឺជារឿងដ៏ងាយស្រួលបំផុត ហើយក៏ជាមធ្យោបាយដ៏ល្អបំផុតក្នុងការបង្ការការបង្ករោគ និងបបញ្ឈប់ការរាលដាលរបស់មេរោគ វីរុស រួមទាំងវីរុសកូវីដ១៩ថែមទៀត។ 

បិតមាត់ឬច្រមុះ

ចូប្រើប្រាស់ក្រដាសជូតមាត់ដើម្បីគ្របមាត់ និងច្រមុះនៅពេលក្អក ឬកណ្តាស ហើយបោះវាចោលក្នុងធុងសំរាម។ បើសិនជាអ្នកមិនមានក្រដាសជូតមាត់ទេ ចូរក្អក ឬកណ្តាលនៅកែងដៃខាងក្នុង។ 

ចូរលាងសម្អាតផ្ទៃដាក់របស់របរ

ចូរលាងសម្អាតផ្ទៃដាក់របស់របរ និងរបស់ទាំងឡាយណាដែលអ្នកឧស្សាហ៍ប៉ះពបាល់ ឬគិតថាអាចមានមេរោគ ឬបាក់តេរីទុំនៅ។អ្នកគួរតែលាងសម្អាតផ្ទះជាពិសេសបើសិនជាមាននរណាម្នាក់កើតជំងឺហើយ។ 

បង្កើនមុខងារប្រព័ន្ធភាពស៊ាំ

អ្នកដែលមានប្រព័ន្ធភាពស៊ាំចុះខ្សោយទំនងជាងាយនឹងឆ្លងរោគដោយបាក់តេរី និងវីរុសជាងអ្នកមានប្រព័ន្ធភាពស៊ាំខ្លាំង។ ប្រព័ន្ធភាពស៊ាំខ្លាំងនឹងជួយឲ្យអ្នកមានសុខភាពល្អផង ព្រមទាំងប្រឆាំងនឹងវីរុសបង្កជំងឺផង។ (អាន:ថ្នាំងងុយគេង ពេលអ្នកគួរប្រើ)ដូច្នេះវាពិតជារឿងសំខាន់ណាស់ដែលត្រូវថែរក្សាប្រព័ន្ធភាពស៊ាំឲ្យខ្លាំងតាមរយៈការញ៉ាំអាហារមានតុល្យភាព ជាពិសេសបន្លែ និងផ្លែឈើ ជាមួយនឹងការហាត់ប្រាណ ការគេងគ្រប់គ្រាន់ គ្រប់គ្រងស្រ្តេស និងទម្លាប់ផ្តល់សុខភាពផ្សេងៗទៀត៕