Join with Health.com.kh on Telegram

នៅពេលអាយុកាន់តែច្រើន រាងកាយនឹងត្រូវឆ្លងកាត់ការប្រែប្រួលជាច្រើនចាប់ពីស្បែក និងរូបរាងកាយរហូតដល់សុខភាពបបេះដូង និងផ្លូវភេទ។ ការចាស់ទៅតាមអាយុគឺជាដំណើររបស់ធម្មជាតិ ហើយក៏គ្មាននរណាអាចគេចផុតដែរ។ ប៉ុន្តែជម្រើសរបៀបរស់នៅអាចជួយបន្ថយល្បឿនដំណើរការណ៍មួយនេះបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រោយពេលអ្នកអាយុដល់ខ្ទង់ ៣០ឆ្នាំហើយ អ្នកពិតជាងាយនឹងបាត់បង់សាច់ដុំតាន់ និងឡើងទម្ងន់ដោយសារតែខ្លាញ់ក្នុងខ្លួនកើនឡើង។ ការយល់ដឹងថា ពបេលញ៉ាំអាហារមានជីវជាតិត្រឹមត្រូវនឹងអាចជួយថែរក្សារាងកាយឲ្យនៅល្អបានយូរ។ 

បើសិនជាអ្នកជាមនុស្សយកចិត្តទុកដាក់នឹងសុខភាព ឬព្យាយាមសម្រកខ្លាញ់ពីរាងកាយដោយមិនខ្វល់ថាខ្លួនឯងអាយុប៉ុន្មាននោះ អ្នកនឹងពិតជាចង់កាត់បន្ថយអាហារខ្លះហើយក្រោយពេលឈានដល់អាយុពាក់កណ្តាល ៦០ឆ្នាំ។ ពិតណាស់ខាងក្រោមនេះគឺជាអាហារមួយចំនួនដែលអ្នកគួរតែចៀសវាងក្រោយអាយុខ្ទង់ ៣០ឆ្នាំបើសិនជាចង់រក្សាសុខភាពសម្រស់ឲ្យនៅក្មេងកាន់តែយូរថែមទៀត៖

យ៉ាអួរមានរសជាតិតាមចំណូលចិត្ត

បើសិនជាអ្នកចង់រក្សាភាពក្មេងវ័យរបស់ខ្លួន អ្នកពិតជាត្រូវចៀសវាង ឬកាត់បបន្ថយការញ៉ាំយ៉ាអួរមានជាតិផ្អែមហើយ ដោយសារតែវាច្រើនតែមានជាតិស្ករ ដែលនាំឲ្យដំណើរការណ៍នៃភាពចាស់ធម្មតាកាន់តែធ្វើដំណើរលឿនជាងមុន រហូតដល់ទៅជាស្បែកយៀ និងជ្រីវជ្រួញ។ ការថែមស្ករគឺជាកត្តាប្រឈមដ៏ធំមួយរបបស់ជំងឺបេះដូង ធាត់ជ្រុល លើសសម្ពាធឈាម ទឹកនោមផ្អែម មហារីក ។ល។ ដូច្នេះយកល្អគួរតែញ៉ាំយ៉ាអួរធម្មតា ឬគ្មានជាតិផ្អែមអ្វីទាំអអស់ទើបជាអាហារមានជីវជាតិ និងផ្តល់សុខភាព។ 

ស៊ុបកំប៉ុង

វាគឺជារឿងល្អមួយដែលអ្នកត្រូវកាត់បបន្ថយការញ៉ាំខ្លាញ់ និងប្រៃ ព្រោះវាអាចធ្វើឲ្យលើសសម្ពាធឈាមបាន។ ការសិក្សាមួយដែលធ្វើឡើងដោយ Cambridge University បានរកឃើញទំនាក់ទំនងមួយរវាងការលើសសម្ពាធឈាម និងការចាស់របស់ស្បែក។ ទោះបីជាទំនាក់ទំងនេះនៅមិនទាន់ច្បាស់លាស់នៅឡើយ។ យ៉ាងណាមិញ ស៊ុបកំប៉ុងផ្ទុកដោយសារធាតុ Bisphenol A (BPA) ដែលជាសារធាតុគីមីគ្រោះថ្នាក់មួយ។ សារធាតុនេះអាចប្រើក្នុងស៊ុប ហើយក៏អាចចូលទៅក្នុងខ្លួនយើងបានដែរ។ BPA មានជាប់ទាក់ទងនឹងជំងឺធ្ងន់ធ្ងរជាច្រើនដូចជា ការធាត់ មិនអាចមានកូនបាន មហារីក បញ្ហាបេះដូង ។ល។ 

អាហារសម្រន់គ្មានជាតិផ្អែម

បើសិនជាអ្នកគិតថា ស្ករគ្រាប់គ្មានជាតិផ្អែម និងអាហារសម្រន់ផ្សេងទៀតផ្តល់ផលល្អដល់សុខភាពជាងស្ករគ្រាប់មានជាតិផ្អែមនោះ វាពិតជាជំនឿមួយមិនត្រឹមត្រូវឡើយ។ ការពិតនោះគឺថា អាហារសម្រន់គ្មានជាតិផ្អែមពោរពេញទៅដោយជាតិផ្អែមសិប្បនិមិត្ត ដែលអាចធ្វើឲ្យប្រឈមនឹងបញ្ហាសុខភាពបានដូចជា ប្រឈមខ្ពស់នឹងការធាត់ ទឹកនោមផ្អែមប្រភេទទី២ ជំងឺបេះដូងសរសៃឈាម។ 

ខាងក្រោមនេះខ្ញុំសូមណែនាំអំពីវិធីខ្លះៗដែលអ្នកអាចធ្វើបានដើម្បីបន្ថយការប្រែប្រួលរបស់រាងកាយដែលទាក់ទងនឹងការចាស់ទៅតាមអាយុ។ (អាន:ថ្នាំងងុយគេង ពេលអ្នកគួរប្រើ)រឿងទាំងនេះមានដូចជា៖

  • ការញ៉ាំអាហារសម្បូរជាតិផ្លែឈើស្រស់ បបន្លែ គ្រាប់ធញ្ញជាតិ និងជាតិខ្លាញ់ផ្តល់សុខភាព និងជីវជាតិផ្សេងៗទៀត
  • ហាត់ប្រាណជាទៀងទាត់
  • កាត់បន្ថយការញ៉ាំគ្រឿងស្រវឹង
  • ឈបប់ជក់បារី និងផលិតផលថ្នាំជក់ផ្សេងៗទៀត
  • គ្រប់គ្រងស្រ្តេស និងរក្សាផ្លូវចិត្តឲ្យមានភាពសកម្ម
  • គេងឲ្យបានគ្រប់គ្រាន់៕