ភ្នែករបស់យើងគឺជាផ្នែកមួយដ៏សំខាន់បំផុតនៃសុខភាព។ តាមពិតទៅ វាគឺជាសរីរាង្គដែលទទួលញាណខ្លាំងបំផុតមួយរបស់រាងកាយ។ ភាពឃើញច្បាស់របស់ភ្នែកអាចជួយការពារភ្នែក និងជួយឲ្យទទួលបានជីវិតពោរពេញដោយភាពពេញលេញថែមទៀតផង។ អ្នកដឹងហើយថា ការញ៉ាំអាហារផ្តល់សុខភាព និងហាត់ប្រាណទៀងទាត់អាចជួយថែរក្សាសុខភាពភ្នែគបាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែមានទម្លាប់ច្រើនណាស់ដែលហាក់បីដូចជាគ្មានគ្រោះថ្នាក់អ្វីសោះ តែអាចមានផលអវិជ្ជមានចំពោះភ្នែកអ្នកបាន។
ការញីភ្នែក
ការរមាស់ភ្នែកអាចជារឿងមួយរំខាន ហើយការដែលចង់យកម្រាមដៃទៅញីភ្នែកកាន់តែជារឿងពិបាកចៀសវាងដែរ។ ប៉ុន្តែការញីភ្នែកមិនគ្រាន់តែធ្វើឲ្យបញ្ហាកាន់តែយ៉ាប់ទេ តែក៏ប្រឈមនឹងការបង្ករោគថែមទៀត។ បើសិនជាមានអ្វីចូលភ្នែក ចូរលាងសម្អាតភ្នែកថ្នមៗដោយទឹកស្អាត ឬស្អំកន្សែងត្រជាក់។
សម្លឹងមើលឧបករណ៍អេឡិចត្រូនិចជាប់
ការធ្វើការយូរៗម៉ោង និងប្រើប្រាស់ឧបករណ៍អេឡិចត្រូនិច្រើនពេកអាចបង្កទុក្ខទោសដល់សមត្ថភាពមើលឃើញរបស់ភ្នែកបបាន នោះគឺប្រឈមនឹងការម្ញូបតែម្តង។ ការមើលឃើញច្បាស់កាន់តែខ្សោយអាចបង្កគ្រោះថ្នាក់ដល់អាយុជីវិត ជាពិសេសពេលបើកបរតែម្តង។ ដូច្នេះចូរប្រើក្បួន 20-20-20 ដើម្បីបង្ការបញ្ហានេះ ដោយអ្នកត្រូវការសម្រាកពីការមើលកញ្ចក់ឧបករណ៍អេឡិចត្រូនិច២០វិនាទី ជារៀងរាល់ ២០នាទីម្តង។
ការជក់បារី
ការជក់បារីមិនគ្រាន់តែមានផលអាក្រក់ចំពោះសុខភាពទូទៅទេ តែវាក៏អាក្រក់សម្រាប់ភ្នែកដែរ។ ការស្រាវជ្រាវបានបង្ហាញថា ការជក់បារីនឹងបង្កើនការប្រឈមនឹងជំងឺភ្នែកឡើងបាយ ខ្វាក់គោម ជំងឺភ្នែកដោយសារតែទឹកនោមផ្អែម ចង្កោមរោគសញ្ញាស្ងួតភ្នែក និងជំងឺ Macular Degeneration ដែលទាក់ទងនឹងការចាស់ទៅតាមអាយុ។ ចូរប្រើវិធីគ្រប់យ៉ាងដើម្បីផ្តាច់ការជក់បារីនៅពេលនេះ។
មិនបានពាក់វ៉ែនតាការពារភ្នែក
ការពាក់វ៉ែនតាការពពារភ្នែកអាចជួយការពារភ្នែកពីកាំរស្មីយូវី ដែលវាអាចបមផ្លាញដល់កោសិការបស់ភ្នែគបបាន។ វាក៏អាចជួយបង្ការភ្នែកពីការមើលឃើញព្រឹលៗបានដែរ។ ចូរប្រាកដថា អ្នកបានពាក់វ៉ែនតាដែលអាចការពារកាំរស្មីយូវីគ្រប់ពេលចេញទៅខាងក្រៅ។
ប្រើគ្រឿងផាត់ភ្នែកមិនបានត្រឹមត្រូវ
អ្នកត្រូវតែប្រុងប្រយ័ត្ននៅពេលលាបគ្រឿងផាត់នៅលើភ្នែក។ (អាន:ថ្នាំងងុយគេង ពេលអ្នកគួរប្រើ)ចូរប្រាកដថា អ្នកមិនបានលាបម៉ាស្ការ៉ាជិតភ្នែកពេកទេ ព្រោះវាអាចបណ្តាលឲ្យស្ទះដល់ក្រពេញញើស និងនាំឲ្យកកកុញបាក់តេរីបាន។ ជាមួយគ្នានេះដែរ ចូរប្រាកដថា អ្នកបានំនួសគ្រឿងផាត់ភ្នែកជារៀងរាល់៣ខែម្តងផង៕