Join with Health.com.kh on Telegram

បើសិនជាអ្នកស្ថិតក្នុងវ័យជាយុវវ័យ ឬអាយុច្រើនជាងនេះ មានឱកាសច្រើនណាស់ដែលអ្នកត្រូវបារម្ភអំពីការជ្រុះសក់។ បើយោងមិនគិតអំពីភេទ និងអាយុ យើងសុទ្ធតែបារម្ភអំពីការជ្រុះសក់ទាំងអស់គ្នាហ្នឹងទោះបីជាបានប្រើសាប៊ូកក់សក់ផ្សេងៗគ្នាហើយក៏ដោយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ហេតុដូច្នេះហើយទើបមានសំណួរមួយសួរថា តើការជ្រុះសក់ច្រើនប៉ុណ្ណាគឺជារឿងធម្មតា?

វាគឺជារឿងធម្មតាទេដែលត្រូវជ្រុះសក់ពី ៥០ ទៅ ១០០សរសៃក្នុងមួយថ្ងៃ។ អ្នកដែលមានសក់វែងៗវិញអាចនឹងជ្រុះសក់ច្រើនជាងនេះទៀតក៏មានដែរ។ បើសិនជាអ្នកនៅតែគិតថា សក់ ៥០ ទៅ ១០០សរសៃដែលជ្រុះក្នុងមួយថ្ងៃ គឺជាចំនួនច្រើន ចូរគិតទៅលើគល់សក់លើស្បែកក្បាលយើងម្តងទៀត។ ស្បែកក្បាលរបស់យើងមានគល់សក់ជាមធ្យមប្រហែល ១០០០០០ ឬច្រើនជាងនេះទៅទៀត។ យោងទៅតាមសេចក្តីរាយការណ៍មួយបានឲ្យដឹងថា ការលេងស្តាយសក់ ការលាបពណ៌សក់ និងព្យាបាលសក់ដោយសារធាតុគីមីអាចជាហេតុនាំឲ្យជ្រុះសក់បាន។ ស្រ្តីប្រមាណ ៤០ភាគរយនឹងជ្រុះសក់ច្រើនដោយសារតែកត្តាទាំងនេះ។ កត្តាផ្សេងៗទៀតមានដូចជា ការមានផ្ទៃពោះ និងរ៉ាំងរដូវ។ 

ធ្វើម៉េចដឹងថាការជ្រុះសក់របស់អ្នកគឺជាជំងឺ?

ការធ្វើតេស្តធម្មតាៗនៅផ្ទះអាចប្រាប់អ្នកបានថាតើការជ្រុះសក់របស់អ្នកជាអត្រាមួយធម្មតាឬអត់។ តេស្តដោយការចាប់បោចសក់បន្តិច។ បើសិនជាបោចមក វាដោយជាប់ដៃ ២ ទៅ៣សរសៃ នោះប្រហែលជាការជ្រុះសក់ច្រើនជាងធម្មតាហើយ ឬកំពុងតែមានអាការៈមួយនៃជំងឺណាមួយក្នុងរាងកាយ។ ជំងឺញឹកញាប់មួយចំនួនដែលធ្វើឲ្យជ្រុះសក់ច្រើនៗនោះមានដូចជា៖

  • Alopecia
  • ជំងឺក្រពេញទីរ៉ូអ៊ីត
  • ការកង្វះជីវជាតិ
  • លក្ខណៈទំពែងក្បាល
  • ជំងឺ Lupus 

តើមានវិធីអ្វីអាចបន្ថយការជ្រុះសក់បានទេ?

ទោះបបីជាការជ្រុះសក់ពី ៥០ទៅ១០០សរសៃក្នុងមួយថ្ងៃគឺជារឿងធម្មតាក៏ដោយ តែមានរឿងច្រើនណាស់ដែលអ្នកអាចធ្វើបានដើម្បីបន្ថយការជ្រុះសក់ និងពង្រឹងដល់សរសៃសក់បានដូចជា៖

  • ការជ្រុះសក់អាចនឹងកើតឡើងដោយសារតែវាមានភាពខ្សោយ ជាពិសេសដោយសារតែស្បែកក្បាលស្ងួត។ ការលាបប្រេងលើស្បែកក្បាលជាទៀងទាត់ និងម៉ាស្សាស្បែកក្បាល នឹងពង្រឹងដល់លំហូរឈាម ហើយរឿងនេះក៏ជួយពពង្រឹងដល់ឬសសក់ផងដែរ។ 
  • ថែរក្សាសក់ឲ្យស្អាតល្អ ប៉ុន្តែមិនត្រូវកក់សក់ញឹកញាប់ពេកឡើយ។ ចូរប្រើសាប៊ូមានជាតិកាត់តិចតួច ហើយក៏មានជាតិគីមីតិចតួចបំផុតដែរ។ 
  • ចូរចៀសវាងការព្យាបាលដោយជាតិគីមី ការលាបពណ៌សក់ និងលេងស្តាយសក់ដោយប្រើកម្តៅ។ កម្តៅអាចនឹងធ្វើឲ្យខូចសរសៃសក់ ស្ងួត និងងាយខូច ព្រមទាំងឆាប់ជ្រុល។ (អាន:ថ្នាំងងុយគេង ពេលអ្នកគួរប្រើ)
  • ចូរញ៉ាំអាហារផ្តល់សុខភាព និងអាហារសម្បូរជីវជាតិ។ ជីវជាតិដែលបានពីអាហារអ្នកញ៉ាំអាហារជួយពង្រឹងដល់សុខភាពសក់ និងបបន្ថយការជ្រុះសក់បាន៕