កុំបារម្ភ! សក់ធុំក្លិនអាក្រក់មែនទេ? អានអត្ថបទនេះ

បញ្ហាសក់មានក្លិនមិនល្អមិនពិបាកនឹងដោះស្រាយឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើធ្វើយ៉ាងណាដើម្បីបំបាត់បញ្ហានេះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះងាយៗជួយឱ្យសក់មានក្លិនក្រអូបប្រសើរ ៖

១. ប្រេងអូលីវ

អ្វីដែលអ្នកត្រូវធ្វើ គឺគ្រាន់តែលាបម៉ាស្សាប្រេងអូលីវថ្នមៗលើស្បែកក្បាលមុនពេលកក់សក់។

២. ទឹកផ្លែប៉េងបោះស្រស់

អ្វីដែលអ្នកត្រូវធ្វើ គឺគ្រាន់តែលាបម៉ាស្សាទឹកប៉េងប៉ោះស្រស់ថ្នមៗលើសក់និងទុកចោលសម្រាប់រយៈពេលពី ២០ ទៅ ៣០ នាទី។ បន្ទាប់មកកក់សម្អាតសក់ចេញជាមួយសាប៊ូជាការស្រេច។ អនុវត្តត្រឹម ២ ដងក្នុងមួយសប្តាហ៍។

៣. ប្រទាលកន្ទុយក្រពើ

ក្រោយពេលកក់សម្អាតសក់រួច ចូរលាបជែលប្រទាលកន្ទុយក្រពើលើស្បែកក្បាលនិងសក់។ ទុកចោលសម្រាប់រយៈពេលពី ១៥ ទៅ ២០ នាទី សឹមលាងសម្អាតចេញជាមួយទឹកធម្មតា។ អនុវត្តឱ្យបានម្ដងក្នុងមួយសប្តាហ៍។

៤. ទឹកខ្មេះផ្លែប៉ោម

លាយទឹកខ្មេះផ្លែប៉ោមកន្លះស្លាបព្រាបាយជាមួយទឹកធម្មតា ១ ពែង។ បន្ទាប់មកសឹមលាងសម្អាតសក់ជាមួយទឹកល្បាយនេះ។ ទុកចោល ១ នាទីសឹមលាងសម្អាតចេញជាការស្រេច។

៥. ទឹកក្រូចឆ្មារ

អ្វីដែលអ្នកត្រូវធ្វើ គឺលាយទឹកក្រូចឆ្មារ ២ ស្លាបព្រាកាហ្វេក្នុងទឹកក្ដៅឧណ្ហ ១ ពែង។ បន្ទាប់ពីកក់សក់ជាមួយសាប៊ូរួច ចូរលាងសម្អាតសក់ចុងក្រោយជាមួយទឹកក្រូចឆ្មារ។ ទុកចោលសម្រាប់រយៈពេលពី ២ ទៅ ៣ នាទីសិន សឹមលាងសម្អាតចេញជាមួយទឹកធម្មតា។ អនុវត្ត ២ ដងក្នុងមួយសប្តាហ៍។

៦. ទឹកឃ្មុំនិងម្ស៉ៅឈើអែម

លាយម្ស៉ៅឈើអែមកន្លះស្លាបព្រាកាហ្វេក្នុងទឹកក្ដៅ ១ ពែង។ ទុកចោលសម្រាប់រយៈពេល ៣០ នាទីសិន សឹមបន្ថែមទឹកឃ្មុំ ១ ស្លាបព្រាកាហ្វេចូល។ កូរឱ្យសព្វមុននឹងលាបល្បាយនេះលើស្បែកក្បាល ព្រមទាំងសក់។ ហើយទុកចោលសម្រាប់រយៈពេល ៤៥ នាទី។ លាងសម្អាតចេញជាមួយទឹកធម្មតា។ ក្រោយមកកក់សក់ជាមួយសាប៊ូជាការស្រេច។

៧. ម្ស៉ៅ Baking soda

អ្វីដែលអ្នកត្រូវធ្វើ គឺលាយម្ស៉ៅ Baking soda ចំនួន ១ ស្លាបព្រាកាហ្វេក្នុងទឹកកន្លះពែង រួចកូរឱ្យសព្វ។ កក់សម្អាតសក់ដូចធម្មតាជាមុនសិន សឹមលាងសម្អាតជាចុងក្រោយជាមួយល្បាយ Baking soda ដែលបានលាយទុក។ បន្ទាប់មកលាងសម្អាតសក់ម្ដងទៀតជាមួយទឹកធម្មតាជាការស្រេច។ អនុវត្តម្ដងក្នុងមួយសប្តាហ៍៕