ការភ្ញាក់ពីគេងព្រឹកឡើង ជាពិសេសបើសិនជាអ្នកត្រូវធ្វើការពេញមួយថ្ងៃទៀតនោះ វាពិតជាមិនមែនជារឿងងាយស្រួលធ្វើឡើយ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) អ្នកពិតជាចង់នៅតែក្រោមភួយហើយបន្តគេងទៀតណាស់។ យ៉ាងណាមិញ ការរួមភេទនៅពេលព្រឹកប្រៀបបានដូចជាបង្អែមសម្រាប់អាហារពេលព្រឹកអ៊ីចឹង ហើយនិយាយឲ្យត្រង់ទៅគឺថា តើនរណាមិនចូលចិត្តបង្អែមដែលដាក់ដល់គ្រែស្រាប់នៅពេលព្រឹកចឹងនោះ? ទោះបីជាយ៉ាងណាក៏ដោយ ខាងក្រោមនេះគឺជាហេតុផលមួយចំនួនដែលនិយាយថា ការរួមភេទនៅពេលព្រឹកបែបនេះមានប្រយោជន៍ចំពោះសុខភាពខ្លាំង៖
បន្ថយស្រ្តេស
បើសិនជាអ្នកបើកភ្នែកព្រឹកឡើងមក ហើយចាប់ផ្តើមភ័យខ្លាចចំពោះការងារដែលត្រូវធ្វើពេញមួយថ្ងៃ ការរួមភេទនៅពេលព្រឹកអាចជួយអ្នកបាន។ ខួរក្បាលនឹងពិចារណាទៅលើសកម្មភាពផ្លូវភេទជារង្វាន់ និងបន្ថយការឆ្លើយតបនឹងស្រ្តេស។ ការឈានដល់ចំណុចកំពូលនឹងបញ្ចេញសារធាតុ Endorphins ដែលជាអ័រម៉ូនមួយជួយឲ្យមានអារម្មណ៍រីករាយ និងសុភមង្គល បន្ថយស្រ្តេស និងបំបាត់ការឈឺចាប់ទៀតផង។
ប្រៀបបានជាការហាត់ប្រាណ
បើសិនជាអ្នកចូលចិត្តហាត់ប្រាណក្នុងក្លិប យកល្អគួរតែណាត់ដៃគូអ្នកហាត់លើប្រាណវិញទៅក៏ល្អដូចគ្នាដែរ ព្រោះការសិក្សាបញ្ជាក់ថា ការរួមភេទមានលក្ខណៈដូចនឹងការហាត់ប្រាណដែរ។ ជាមធ្យម ការរួមភេទគឺជាសកម្មភាពដែលប្រើកម្លាំងខ្លាំងជាការរត់លើឧបករណ៍រត់នៅមួយកន្លែងអ៊ីចឹង តែអាចរំលាយជាតិខ្លាញ់បានច្រើនជាងទៅទៀត។
ធ្វើឲ្យអ្នកមើលទៅក្មេងជាងមុន
គ្រប់គ្នាចង់ចាប់ផ្តើមថ្ងៃថ្មីតាមរយៈមើលទៅស្រស់ស្រាយ និងមានទំនុកចិត្ត ហើយការរួមភេទអាចជួយអ្នកបាន។ អ័រម៉ូនអេស្រ្តូជែននឹងបញ្ចេញក្នុងរាងកាយក្នុងពេលរួមភេទ ហើយវាក៏ត្រូវបានគេជឿថាជួយឲ្យមើលទៅក្មេងជាងវ័យ និងស្រស់ស្អាតថែមទៀត។ វាអាចបន្ថយភាពស្ងួតរបស់ស្បែក និងការកើតមុន ព្រមទាំងផ្តល់សំណើមដល់ស្បែក និងបន្ថយភាពជ្រីវជ្រួញទៀត។ ការរួមភេទនឹងពង្រឹងដល់របត់ឈាមរត់ ហើយកាលណារបត់ឈាមរត់កាន់តែល្អ វានឹងធ្វើឲ្យស្បែកមុខភ្លឺថ្លា។ ដូច្នេះការរួមភេទនៅពេលព្រឹកអាចផ្តល់អត្ថន័យខុសគ្នាទាំងស្រុងមួយចំពោះស្បែកមុខនៅពេលព្រឹកសម្រាប់ការងារពេញមួយថ្ងៃបាន។
បង្កើនភាពស្និទ្ធស្នាល
តើអ្នកមានដឹងទេថា ហេតុអ្វីការថ្នាក់ថ្នមគ្នាក្រោយរួមភេទរួចធ្វើឲ្យមានផាសុកភាពខ្លាំងដែរទេ? នេះដោយសារតែអ័រម៉ូនអុកស៊ីតូស៊ីន ដែលជាសារធាតុគីមីមួយប្រភេទត្រូវបានបញ្ចេញក្នុងពេលរួមភេទ។ អ័រម៉ូនមួយនេះត្រូវបានគេដឹងថាធ្វើឲ្យមានអារម្មណ៍ស្រឡាញ់ខ្លាំង។ តាមពិតទៅ អុកស៊ីតូស៊ីនគឺជាសារធាតុគីមីមួយដែលដូចគ្នានឹងសារធាតុគីមីជួយបង្កើនចំណងកូននិងម្តាយក្រោយសម្រាលកូនរួច។
ពង្រឹងដល់លទ្ធភាពនៃការមានកូន
បើសិនជាអ្នកកំពុងតែមានគម្រោងបង្កើតគ្រួសារតូចមួយ ចូរប្រើវិធីរួមភេទនៅពេលព្រឹកទៅ។ ការរួមភេទភ្លាមៗក្រោយភ្ញាក់ពីគេងអាចបង្កើនឱកាសនៃការរលាយចូលគ្នានៃមេជីវិតទាំងពីរ ព្រោះកម្រិតអ័រម៉ូនតេស្តូស្តេរ៉ូនឡើងខ្ពស់បំផុតនៅពេលព្រឹក។ ជាមួយគ្នានេះដែរ ការរួមភេទញឹកញាប់ច្រើនតែបន្ថយការខូចខាតរបស់មេជីវិតឈ្មោល។
បន្ថយការឈឺចាប់ពេលមករដូវ
ការភ្ញាក់ពីគេងមកមានការឈឺចាប់ពេលមករដូ អារម្មណ៍មិនល្អ និងឈឺពោះខ្លាំងសុទ្ធតែជាសុបិន្តអាក្រក់របស់ស្រ្តីហើយ។ អ្នកជំនាញជាច្រើនជឿថា ការរួមភេទប្រហែលជាបន្ថយភាពខ្លាំងក្លានៃការឈឺចាប់ពេលមករដូវបាន។ ថ្វីបើរឿងនេះមិនមានការបញ្ជាក់បែបវិទ្យាសាស្រ្តនៅឡើយ តែស្រ្តីភាគច្រើនបានធ្វើតេស្តខ្លួនឯងដឹងហើយ។ បើសិនជាអ្នកកំពុងតែមករដូវ ការរួមភេទនៅពេលព្រឹកទៀតគឺជារឿងដ៏ល្អមួយ។ វាអាចបន្ថយការឈឺចាប់ពេលមករដូវបាន។ ការរួមភេទពេលមករដូវអាចធ្វើឲ្យមានអារម្មណ៍អស្ចារ្យសម្រាប់ស្រ្តី ដូច្នេះវាគ្មានហេតុផលដែលអ្នកមិនគួរសាកល្បងឡើយ។
រួមភេទនៅពេលព្រឹកគឺជាការរួមភេទដ៏ល្អ
ពេលព្រឹកអាចជាពេលវេលាដ៏ល្អបំផុតដែលត្រូវរួមភេទ ដោយសារតែវាមានភាពស្រស់ស្រាយ និងមានកម្លាំងពេញខ្លួន។ (អាន:ថ្នាំងងុយគេង ពេលអ្នកគួរប្រើ)ជាមួយគ្នានេះដែរ ចាប់តាំងពីកម្រិតអ័រម៉ូនតេស្តូស្តេរ៉ូនឡើងខ្ពស់នៅពេលព្រឹកមក វាពិតជាធ្វើឲ្យបុរសធ្វើការបានកាន់តែល្អ។
ជាទូទៅ ការរួមភេទក៏អាចជួយបន្ថយការប្រឈមនឹងជំងឺបេះដូង និងមហារីកក្រពេញប្រូស្តាតដែរ។ វាក៏ត្រូវបានគេដឹងថាអាចបង្កើនមុខងារប្រព័ន្ធភាពស៊ាំ និងបន្ថយការឈឺក្បាលទៀត។ ដូច្នេះពេលភ្ញាក់ពីគេងព្រឹកឡើងលើកក្រោយ ចូរកុំភ្លេចញ៉ាំបង្អែមពេលព្រឹកនេះសិន៕