ភាពជោគជ័យ និងបរាជ័យគឺជាចំនុចសំខាន់របស់មុខរបរនីមួយៗ។ បើអ្នកប្រឈមមុខនឹងភាពជោគជ័យ នោះវាជារឿងល្អណាស់។ តែបើអ្នកជួបនឹងការបរាជ័យ នោះវាជារឿងដែលធ្ងន់ធ្ងរបំផុត។ ដូចនេះតើមានរឿងអ្វីខ្លះដែលកំណត់ភាពជោគជ័យនិងបរាជ័យនោះ?

1. ផលិតផលល្អ ឬអាក្រក់ ថោកឬថ្លៃ។ ផលិតផល ជាចំណុចសំខាន់ក្នុងការកំណត់ភាពជោគជ័យ និងបរាជ័យនៃមុខរបរ។ បើផលិតផលមិនល្អ នឹងគ្មាននរណាទិញឡើយ ហើយបើផលិតផលថ្លៃពេក ក៏គ្មានទិញដែរ។ ដូចនេះ អ្នកគួរតែកំណត់ឲ្យបានច្បាស់នូវផលិតផលរបស់អ្នក។

2. ដំណាក់កាលនៃការផលិត តើវាមានសុវត្ថិភាពឬទេ តើវាមានអនាម័យឬទេ។ ដំណាក់កាលនេះក៏សំខាន់ដែរ បើអ្នកផលិតលឿន មានសុត្ថិភាព និងអនាម័យ ផលិតផលអ្នកនឹងអាចលក់ដាច់ជាទីបំផុត ហើយអ្នកក៏មានទំនិញក្នុងការផ្គត់ផ្គង់ផងដែរ។

3. ការគ្រប់គ្រងក៏ជាចំនុចមួយក្នុងចំណោមចំនុចទាំងអស់ដែរ។ បើការគ្រប់គ្រងល្អ មុខរបរនឹងដំណើរការរលូនទៅមុខ។ ប៉ុន្តែបើការគ្រប់គ្រងខ្សោយ នោះផ្លូវបរាជ័យនឹងរងចាំអ្នក។

4. ស្មារតីប្រយុទ្ធរបស់បុគ្គលិក។ បើបុគ្គលិកទាំងអស់ចេះសហការគ្នាបានល្អនោះវានឹងជោគជ័យ តែបើឈ្លោះប្រកែកគ្នានោះក្រុមហ៊ុននឹងបរាជ័យ។

5. ចំនុចចុងក្រោយគឺមនុស្សសម្រេចភាពជោគជ័យឬបរាជ័យ។ បើមនុស្សដែលមានប្រាជ្ញាវៃឆ្លាត មានចំណេះវិជ្ជាខ្ពង់ខ្ពស់នោះមុខរបរអ្នកនឹងរីកចម្រើន តែផ្ទុយទៅវិញបើមនុស្សដែលងាប់ក្រឡានោះក្រុមហ៊ុននឹងត្រូវចប់។ ដូចនេះអ្នកអាចពិចារណាលើចំនុចទាំងនេះហើយធ្វើការវិនិច្ឆ័យឲ្យបានច្បាស់លាស់ដើម្បីមុខរបរអ្នក៕