ថ្ងៃចុងសប្តាហ៍គឺជាពេលវេលាត្រូវសម្រាកទាំងកាយ និងចិត្ត។ ក្នុងនាមជាឪពុកម្តាយគេ អ្នកត្រូវតែប្រាកដថា បានចំណាយពេលវេលាគ្រប់គ្រាន់នៅជាមួយកូនក្នុងថ្ងៃឈប់នេះ ដើម្បីពួកគេកាន់តែមានភាពស្និទ្ធស្នាលជាមួយ និងមានពេលវេលាអប់រំគេបន្ថែមទៀត ជាពិសេសវិធីដែលធ្វើឲ្យគេមានសុខភាពកាន់តែល្អ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខាងក្រោមនេះ ខ្ញុំសូមណែនាំទម្លាប់ ៥យ៉ាងដែលអ្នកអាចអប់រំកូនក្នុងថ្ងៃឈប់សម្រាក តែអាចជួយឲ្យកូនមានសុខភាពល្អបាន។
របៀបរបបនៃការគេង
បើសិនជាកូនអ្នកត្រូវទៅរៀន គេច្បាស់ជាត្រូវក្រោកពីព្រលឹម។ ដូច្នេះនៅថ្ងៃចុងសប្តាហ៍ ពួកគេប្រហែលជាចង់ចំណាយពេលវេលាគេងបន្ថែមទៀត ហើយក៏មិនចង់ក្រោកលឿនដែរ។ នៅពេលនេះ ចូរប្រាកដថា ពួកគេបានយល់ដឹងច្បាស់អំពីសារៈសំខាន់នៃការគេងទៀងទាត់ពេលវេលា និងកុំគេងយូរពេក ឬយូរជាងកន្លះម៉ោង។ ពួកគេក៏អាចចេញទៅខាងក្រៅផ្ទះដើម្បីដើរជាមួយអ្នក ឬលេងកីឡា ដែលវាមិនត្រឹមតែផ្តល់សុខភាពដល់រាងកាយទេ តែក៏មានពេលវេលាស្និទ្ធស្នាលជាមួយអ្នកដែរ។
ញ៉ាំអាហារផ្តល់សុខភាព
ចូរប្រាកដថាអ្នកញ៉ាំអាហារផ្តល់សុខភាព ហើយកូនអ្នកក៏ធ្វើដូចគ្នាដែរ ទោះបីជាក្នុងថ្ងៃឈប់សម្រាកក៏ដោយ ដោយសារតែវាមានសារៈសំខាន់បំផុត។ ការញ៉ាំអាហារផ្តល់សុខភាពតែងតែអាចជារឿងសប្បាយ និងឆ្ងាញ់។ ការចម្អិនអាហារជាមួយគ្នា ញ៉ាំជាមួយគ្នា មិនត្រឹមតែជួយបង្កើនទំនាក់ទំនងអ្នកនឹងកូនទេ តែអ្នកក៏អាចឆ្លៀតពេលប្រាប់ពីទម្លាប់ផ្តល់សុខភាពដែលពួកគេអាចធ្វើតាមបានដែរ។
ទប់ស្កាត់ការប្រើប្រាស់ឧបករណ៍ឌីជីថល
វាគឺជារឿងចៀសមិនផុតឡើយដែលមានឧបករណ៍បច្ចេកវិទ្យាជុំវិញខ្លួន ទោះបីជាថ្ងៃឈប់សម្រាកហើយក៏ដោយ។ ការប្រើប្រាស់ទូរស័ព្ទឆ្លាតវៃ មើលទូរទស្សន៍ និងឡេបថប់ជាប់រហូតក៏អាចធ្វើឲ្យក្មេងមិនមានសុខភាពល្អបានដែរ។ ទោះបីជាយ៉ាងណាក៏ដោយ វាមិនមែនជារឿងល្អឡើងសម្រាប់អ្នក និងកូន។ ដូច្នេះ ចូរកំណត់ពេលវេលាថាថ្ងៃចុងសប្តាហ៍បែបនេះគឺមិនឲ្យប្រើប្រាស់ឧបករណ៍ឌីជីថលឡើយ។ ចូរដាក់ទូរស័ព្ទចុះ ហើយប្រើវិធីសន្ទនាពិតប្រាកដឲ្យបានច្រើនវិញ។
ញ៉ាំទឹក
នៅពេលយើងនៅក្រៅផ្ទះ យើងទំនងជាភ្លេចញ៉ាំទឹកហើយ។ ការញ៉ាំទឹកគ្រប់គ្រាន់គឺជារឿងសំខាន់បំផុតសម្រាប់សុខភាពទូទៅ ដូច្នេះអ្នកត្រូវតែប្រាកដថាកូនអ្នកមានទម្លាប់ញ៉ាំទឹកឲ្យបានគ្រប់គ្រាន់ទោះបីជាថ្ងៃចុងសប្តាហ៍ក៏ដោយ។ នៅពេលពួកគេមានទម្លាប់បែបនេះ ពួកគេនឹងមានអារម្មណ៍ស្រេកទឹកនៅពេលថ្ងៃរៀនធម្មតា ហើយក៏ទំនងជាញ៉ាំទឹកគ្រប់គ្រាន់នៅថ្ងៃចុងសប្តាហ៍ថែមទៀត។ ចូរលើទឹកចិត្តឲ្យគេញ៉ាំទឹកធម្មតាចៀសជាងទឹកក្រូច ឬទឹកផ្លែឈើ។
បំបាត់ស្រ្តេស
យើងច្រើនតែដឹងថា ស្រ្តេសគឺកើតឡើងតែលើមនុស្សធំ ឬកូនសិស្សទេ។ ប៉ុន្តែអាយុ និងពេលវេលានៃការប្រកួតប្រជេញ បានធ្វើឲ្យកុមារមានភាពស្រ្តេសច្រើនដូចគ្នា។ បញ្ហានោះគឺវាមានភាពស្មុគស្មាញបន្តិចដោយសារតែក្មេងមិនអាចយល់អំពីស្រ្តេសដូចមនុស្សធំ ហើយក៏មិនដឹងថាគួរលុបបំបាត់ប្រភពរបស់វា ឬគ្រប់គ្រងវាដូចម្តេចដែរ។ ថ្ងៃឈប់សម្រាកអាចជាពេលវេលាដ៏អស្ចារ្យសម្រាប់ការចូលរួមសកម្មភាពបំបាត់ស្រ្តេសនេះហើយ។ (អាន:ថ្នាំងងុយគេង ពេលអ្នកគួរប្រើ)ដូច្នេះចូរស្វែងរកសកម្មភាពនានាដែលពួកគេចូលចិត្តដូចជា ការអានសៀវភៅ ការហែលទឹក ការច្រៀង និងរាំជាដើម៕