៨ចំណុចនេះ បើមិនប្រយ័ត្ន សុខភាពអ្នកនឹងត្រូវបំផ្លាញភ្លាម

ខាងក្រោមនេះ យើងខ្ញុំនឹងបង្ហាញអ្នកពីចំណុចដែលអ្នកមិនប្រយ័ត្នដែលអាចបំផ្លាញសុខភាពរបស់អ្នក។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

1. នៅពេលដែលផ្ទះបាយរបស់អ្នកកង្វក់ ហើយគ្មានអនាម័យ នោះនឹងមានកន្លាត កណ្តុរ ព្រមទាំងសត្វដទៃទៀតជាច្រើននឹងរត់មកនៅក្នុងនោះ។ ជាហេតុដែលធ្វើឲ្យសុខភាពរបស់អ្នកទ្រុឌទ្រោមជាខ្លាំង ក្រោយពេលដែលពិសារម្ហូបដែលចេញពីផ្ទះបាយនោះ។ ដូចនេះ អ្នកគួរតែសម្អាតឲ្យបានស្អាតប្រកបដោយអនាម័យ ទើបមិនប៉ះពាល់ដល់សុខភាពរបស់អ្នក។
2. កន្លែងលាងចានរបស់អ្នកក៏គួរតែសម្អាតឲ្យបានស្អាតរាល់ថ្ងៃដែរ ព្រោះបើមិនស្អាត ចានរបស់អ្នកនឹងពោរពេញទៅដោយមេរោគ។ ជាហេតុដែលធ្វើឲ្យអ្នកងាយកើតជំងឺណាស់ក្រោយពេលដែលប្រើចានទាំងនោះរួច។
3. ក្រោយពេលដែលអ្នកប្រើកន្សែងជូតចានរួច អ្នកគួរតែបោកឲ្យបានស្អាត ហើយយកទៅហាលក្រោមកម្តៅថ្ងៃដើម្បីអាចសម្លាប់មេរោគបាន។ បើអ្នកមិនបោកឲ្យបានស្អាតទេ ហើយគិតតែពីជូត នោះចានអ្នកនឹងគ្មានអនាម័យឡើយ។
4. ជ្រុញដែលអ្នកប្រើ គួរតែបែងចែកជ្រុញសម្រាប់ចិតសាច់ឆៅ និងសាច់ឆ្អិនផ្សេងគ្នា ព្រោះបើអ្នកប្រើជ្រុញតែមួយ នោះអ្នកនឹងងាយញ៉ាំដោយមេរោគខ្លាំងណាស់។ ដូចនេះ អ្នកគួរតែប្រយ័ត្នឲ្យបានខ្ពស់។
5. ប៉ុងលាងចានរបស់អ្នកមិនគួរលាងរួចទុកនៅកន្លែងលាងចាននោះទេ ដោយគួរតែពូតឲ្យស្ងួត ហើយទុកនៅកន្លែងដែលគ្មានទឹក ឬកន្លែងដែលស្រក់ទឹកបាន ព្រោះបើប៉ុងនោះសើមរហូត នឹងងាយផ្ទុកមេរោគច្រើនណាស់។
6. អាហារដែលអ្នកពិសារសល់ មិនគួរទុកចោលលើតុនោះទេ ព្រោះទុកយូរអាចខូចបាន។ ដូចនេះ អ្នកគួរតែរុញចូលទៅក្នុងទូទឹកកកដើម្បីរក្សាអាហារទាំងនោះកុំឲ្យខូច។
7. មុនពេលដែលអ្នកធ្វើម្ហូប អ្នកគួរតែលាងដៃឲ្យបានស្អាត ហើយជូតនឹងក្រដាសជូតមាត់ឲ្យស្ងួត មិនគួរជូតនឹងកន្សែងឡើយ ព្រោះកន្សែងងាយផ្ទុកមេរោគច្រើនខ្លាំងណាស់។
8. ទូចានរបស់អ្នកគួរតែសម្អាតឲ្យបានទៀងទាត់ មិនគួរទុកយូរមិនសម្អាតឡើយ ព្រោះបើអ្នកមិនសម្អាត មេរោគនឹងរស់ក្នុងនោះយូរ ដោយធ្វើឲ្យអ្នកងាយកើតជំងឺខ្លាំងណាស់៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)