ខាងក្រោមនេះ យើងខ្ញុំនឹងបង្ហាញអ្នកពីកន្លែងដែលអ្នកគួរតែសម្អាតក្នុងផ្ទះ ដើម្បីទទួលបានលុយធំចូលមក។ តើមានកន្លែងណាខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. នៅមុខផ្ទះរបស់អ្នកត្រូវតែស្អាតជានិច្ច ដោយមិនគួរដាក់ទូស្បែកជើងនៅមុនទ្វារធំនោះទេ។ ជាពិសេស ស្បែកជើងក៏ត្រូវតែរៀបឲ្យស្អាតដែរ ដោយមិនគួរឲ្យនៅរាយប៉ាយពេញមុខទ្វារធំនោះឡើយ។ នៅពេលដែលទ្វារធំអ្នកមើលទៅមានរបៀបរៀបរយ ហើយមានអនាម័យល្អ នោះទេវតាទ្រព្យនឹងបញ្ជូនលុយមកឲ្យអ្នកជាមិនខានឡើយ។
  2. បន្ទប់ទឹករបស់អ្នកត្រូវតែសម្អាតឲ្យស្អាតប្រកបដោយអនាម័យខ្ពស់ មិនត្រូវទុកឲ្យកង្វក់ឡើយ ព្រោះនៅពេលដែលបន្ទប់ទឹកអ្នកគ្មានអនាម័យ ហើយគ្មានសណ្តាប់ធ្នាប់ នោះមិនត្រឹមតែប៉ះពាល់ដល់សុខភាពខ្លួនអ្នកទេ ថែមទាំងធ្វើឲ្យប៉ះពាល់ដល់ទ្រព្យអ្នកទៀតផង។ ជាពិសេស បន្ទប់ទឹករបស់អ្នកមិនគួរឲ្យនៅទល់មុខគ្រែអ្នកឡើយ ទើបប្តីប្រពន្ធអ្នកមិនឈ្លោះគ្នាច្រើន។
  3. ផ្ទះបាយរបស់អ្នកត្រូវតែស្អាតជានិច្ច ព្រោះកន្លែងនោះជាឃ្លាំងទ្រព្យរបស់អ្នក។ ហេតុអ្វីបានជាថាផ្ទះបាយជាឃ្លាំងទ្រព្យ? ព្រោះផ្ទះបាយជាកន្លែងដែលអ្នកធ្វើម្ហូបសម្រាប់ញ៉ាំ។ ប្រសិនជាផ្ទះបាយគ្មានអនាម័យ មេរោគនឹងចូលក្នុងខ្លួនអ្នកតាមរយៈអាហារដែលអ្នកបរិភោគនោះ។ ជាហេតុដែលធ្វើឲ្យអ្នកឈឺ គ្មានកម្លាំង និងស្មារតីក្នុងការរកស៊ី និងបំពេញការងារឡើយ។ ដូចនេះ អ្នកនឹងគ្មានលុយចូលមកទេ៕ (អាន:ថ្នាំងងុយគេង ពេលអ្នកគួរប្រើ)