Join with Health.com.kh on Telegram

ការក្រហាយដើមទ្រូង គឺជាអាការៈមួយនៃជំងឺច្រាលទឹកអាស៊ីតពីក្រពះមកបំពង់ក ឬ Gastroesophageal Reflux Disease (GERD) ដែលកើតឡើងមួយភាគបួន ទៅពាក់កណ្តាលទៅហើយនៃស្រ្តីមានផ្ទៃពោះទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការក្រហាយដើមទ្រូងច្រើនតែចាប់ផ្តើមនៅត្រីមាសដំបូង ឬទីពីរ ហើយក៏បន្តរហូតដល់ពេញមួយពេលនៃការមានផ្ទៃពោះតែម្តងក៏មាន។ ការក្រហាយដើមទ្រូងក្នុងពេលមានផ្ទៃពោះច្រើនតែមានលក្ខណៈតិចតួច និងមធ្យមប៉ុណ្ណោះ តែករណីខ្លះក៏មានលក្ខណៈធ្ងន់ធ្ងរផងដែរ។ 

ផលវិបាកនៃជំងឺច្រាលទឹកអាស៊ីតក្រពះមកបំពងក មានដូចជា ហូរឈាមនៅបំពង់លើក្រពះ ពិបាកលេបអាហារ ស្រកទម្ងន់ តែមិនសូវញឹកញាប់ទេ។ 

ការផ្លាស់ប្តូររបៀបរស់នៅដែលអាចជួយបំបាត់បញ្ហាក្រហាយដើមទ្រូងបានក្នុងពេលមានផ្ទៃពោះមានលក្ខណៈស្រដៀងគ្នានឹងស្រ្តីដែលមិនមានផ្ទៃពោះដែរដូចជា៖

  • គេងកើយក្បាលឲ្យខ្ពស់
  • ចូរគេងចំហៀងខាងឆ្វេងនៅពេលយប់
  • ចូរចៀសវាងអាហារបង្កបញ្ហាដែលអាចធ្វើឲ្យអាការៈនៃការក្រហាយដើមទ្រូងកាន់តែធ្ងន់ធ្ងរ
  • ចៀសវាងការគេងភ្លាមក្រោយញ៉ាំអាហាររួច

ការប្រើប្រាស់ថ្នាំដែលមានសុវត្ថិភាពសម្រាប់ស្រ្តីមានផ្ទៃពោះនៅពេលក្រហាយដើមទ្រូងរួមមាន ថ្នាំបន្សាបអាស៊ីតក្រពះ និង Sucraflfat។ ថ្នាំបន្សាបអាស៊ីតប្រហែលជារំខានដល់ការបឺតស្រូបជាតិដែកពីចំណីអាហារ ហើយជាតិដែកគឺសំខាន់ណាស់សម្រាប់ការលូតលាស់របស់ទារកក្នុងផ្ទៃ ដូច្នេះស្រ្តីមានផ្ទៃពោះប្រហែលជាត្រូវការថ្នាំបំប៉នជាតិដែកបន្ថែមទៀត។ ថ្នាំបន្សាបអាស៊ីតផ្ទុកទៅដោយជាតិម៉ាញ៉េស្យូម អាចបន្ថយល្បឿននៃការសម្រាលបាន។

មានថ្នាំច្រើនប្រភេទណាស់ដែលអាចប្រើដើម្បីបំបាត់អាការៈក្រហាយដើមទ្រូងលើស្រ្តីមិនមានផ្ទៃពោះ ប៉ុន្តែគ្រាន់តែគេមិនដឹងថាតើថ្នាំមួយចំនួននេះមានសុវត្ថិភាពសម្រាប់ការលូតលាស់របស់ទារកឬអត់។ 

ប្រភេទថ្នាំដែលអាចព្យាបាលការក្រហាយដើមទ្រូងក្នុងពេលមានផ្ទៃពោះមានដូចជា៖

H2 Blocker

Proton Pump Inhibitors (PPIs)

  • Lansoprazole 
  • Rabeprazole
  • Pantoprazole
  • Esomeprazole