ជំងឺទឹកនោមផ្អែមក៏អាចបង្កគ្រោះថ្នាក់ដល់ប្រអប់ជើងអ្នកដូចម្តេចខ្លះទៅ?

បញ្ហាប្រអប់ជើងគឺជាអ្វីដែលកើតឡើងញឹកញាប់បំផុតលើអ្នកជំងឺទឹកនោមផ្អែម។ ទោះបីជាការមានរបួសតិចតួចក៏អាចធ្វើឲ្យមានបញ្ហាកាន់តែធំបានដែរបើសិនជាមិនបានដឹង និងព្យាបាលបានទាន់ពេលវេលា។ ជាធម្មតា បញ្ហានៅប្រអប់ជើងលើអ្នកជំងឺទឹកនោមផ្អែមអាចមានលក្ខណៈដូចជា៖

• ខូចសរសៃប្រសាទនៅប្រអប់ជើង (Neuropathy)
• មានការប្រែប្រួលណាមួយក្នុងទម្រងនៃរូបរាងប្រអប់ជើង
• កើតអាការៈស្ងួត របកៗស្បែក ឬប្រេះក្រហែងនៅប្រអប់ជើង ដែលត្រូវការផ្តល់ភាពសំណើមជាញឹកញាប់
• កើតជាការរលាកគល់រោមរហូតដល់មានដំបៅបើកមុខទៀតផង
• កើតជាដំបៅដែលចេញពីការពាក់ស្បែកជើងមិនបានត្រឹមត្រូវ
• មានលំហូរឈាមទៅប្រអប់ជើងមិនល្អ ឬមិនគ្រប់គ្រាន់ រហូតដល់ងាយនឹងមានការបង្ករោគ និងរបួសក្រជា៕