សារាយសមុទ្រមិនត្រឹមតែមានរសជាតិឆ្ងាញ់ប៉ុណ្ណោះទេ ប៉ុន្តែក៏មានផ្ទុកសម្បូរទៅដោយសារធាតុចិញ្ចឹមដែលល្អចំពោះសុខភាពរាងកាយផងដែរ។  (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បន្លែសមុទ្រនេះជាប្រភពដ៏ប្រសើរនៃសារធាតុ iodine ជាតិដែក ម៉ាញ៉េស្យូម កាល់ស្យូម វីតាមីន A វីតាមីន C និងវីតាមីន B។ សារាយសមុទ្រក៏មានផ្ទុកសម្បូរទៅដោយជាតិសសៃនិងប្រូតេអ៊ីនផងដែរ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពី មូលហេតុដែលអ្នកគួររួមបញ្ចូលសារាយសមុទ្រក្នុងរបបអាហារប្រចាំថ្ងៃ ៖

១. ពង្រឹងសុខភាពក្រពេញទីរ៉ូអ៊ីត

សារាយសមុទ្រជាជម្រើសនៃអាហារដ៏ល្អបំផុតមួយដែលអ្នកជំងឺខ្សោយក្រពេញទីរ៉ូអ៊ីតមិនគួរមើលរំលង។ សារាយសមុទ្រមានផ្ទុកសម្បូរទៅដោយជាតិអ៊ីយ៉ូដ កាល់ស្យូម ជាតិសសៃ វីតាមីន A វីតាមីន B វីតាមីន C វីតាមីន K និងវីតាមីន E ដែលចាំបាច់សម្រាប់មុខងារនៃក្រពេញទីរ៉ូអ៊ីត។

២. ទប់ស្កាត់ជំងឺពុកឆ្អឹង

សារាយសមុទ្រមានផ្ទុកសម្បូរទៅដោយជាតិកាល់ស្យូមដែលជាជាតិរ៉ែចាំបាច់បំផុតមួយសម្រាប់រក្សាសុខភាពឆ្អឹងរឹងមាំ។ កាល់ស្យូមក៏ល្អសម្រាប់សុខភាពធញមេញ បេះដូង និងសាច់ដុំផងដែរ។

៣. កម្ចាត់សារធាតុពុលពីក្នុងឈាម

នេះក៏ព្រោះតែសារាយសមុទ្រជាប្រភពដ៏ល្អបំផុតមួយនៃសារធាតុក្លរ៉ូភីលដែលមានសមត្ថភាពកម្ចាត់ជាតិពុលក្នុងឈាម។

៤. ជួយឱ្យស្រកទម្ងន់

មិនចាំបាច់ត្រូវតែលេបថ្នាំសម្រកទម្ងន់ឡើយ អ្វីដែលអ្នកត្រូវធ្វើរួមបញ្ចូលសារាយសមុទ្រក្នុងរបបអាហារប្រចាំថ្ងៃ។ នេះក៏ព្រោះតែសារាយសមុទ្រជួយពន្លឿនការដុតរំលាយអាហារក្នុងរាងកាយ។ បរិមាណនៃជាតិសសៃក្នុងសារាយសមុទ្រក៏ជួយឱ្យឆាប់ឆ្អែតនិងឆ្អែតបានយូរផងដែរ។

៥. ពន្យឺតដំណើរការនៃភាពចាស់នៃវ័យ

នេះក៏ព្រោះតែសារាយសមុទ្រមានផ្ទុកសារធាតុប្រឆាំងអុកស៊ីតកម្មដែលជួយការពារកោសិកាស្បែកមិនឱ្យទទួលរងការបំផ្លាញពីសំណាក់រ៉ាឌីកាល់សេរី៕