ខាងក្រោមនេះ យើងខ្ញុំនឹងបង្ហាញអ្នកពីរបស់ដែលអ្នកមិនគួរជូនអ្នកដទៃ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. អ្នកមិនគួរជូនកាបូបលុយដល់អ្នកដទៃទេ ព្រោះវាប្រៀបដូចជាអ្នកកំពុងតែបញ្ជូនឃ្លាំងទ្រព្យអ្នកដល់អ្នកដទៃអញ្ចឹង។ ប៉ុន្តែចំពោះសង្សារ ឬប្តីប្រពន្ធ អាចជូនកាបូបលុយដល់គ្នាបាន ព្រោះអ្នកជាមនុស្សដែលស្និទ្ធនឹងគ្នា។
  2. អ្នកមិនគួរទិញកាំបិតជូនអ្នកដទៃឡើយ ព្រោះអាចនាំសំណាងអាក្រក់ដល់អ្នកដទៃ ព្រមទាំងអ្នកផងដែរ។ ដូចនេះ អ្នកមិនគួរទិញកាំបិតអ្វីជូនអ្នកដទៃផ្តេសផ្តាសឡើយ ទើបមិននាំសំណាងអាក្រក់ចូលមក។
  3. អ្នកមិនគួរទិញរូបទេវតាទ្រព្យធ្វើជាកាដូជូននរណាឡើយ ព្រោះនៅពេលដែលអ្នកយកទេវតាទ្រព្យឲ្យអ្នកដទៃ នោះឃ្លាំងទ្រព្យអ្នកក៏រត់ទៅជាមួយផងដែរ។
  4. អ្នកមិនគួរទិញអាងត្រីឲ្យនរណាឡើយ ព្រោះអាងត្រីប្រៀបដូចជាទេវតាទ្រព្យអញ្ចឹង។ បើអ្នកបញ្ជូនទេវតាទ្រព្យដល់គេ លុយអ្នកក៏ដល់ដូចគ្នាដែរ។
  5. នាឡិកា ក៏មិនអាចជូនគេផ្តេសផ្តាសដែរ ព្រោះអត្ថន័យនៃការជូនម៉ោង គឺមិនល្អទេ ប្រៀបដូចជាជូនគេទៅកន្លែងឆ្ងាយអញ្ចឹង។ ដូចនេះ អ្នកមិនអាចជូននាឡិកាជាដាច់ខាត។
  6. ស្បែកជើង ក៏អ្នកមិនគួរឲ្យគេដែរ ព្រោះក្រោយពេលដែលអ្នកជូនអ្នកដទៃរួច ទំនាក់ទំនងអ្នកជាមួយនឹងអ្នកដទៃអាចនឹងមិនល្អដូចមុនទេ ដោយអាចកើតមានជម្លោះបានយ៉ាងងាយ។
  7. ឆ័ត្រ ក៏អ្នកមិនអាចឲ្យអ្នកដទៃបានដែរ ព្រោះវាជាអត្ថន័យនៃការបែកគ្នា ឬទៅឆ្ងាយពីគ្នា។ ដូចនេះ អ្នកមិនគួរទិញជូនគេផ្តេសផ្តាសឡើយ។
  8. ខ្នើយ ក៏អ្នកមិនគូរជូនទៅនរណាដែរ ព្រោះក្រោយពេលដែលអ្នកជូនរួច បញ្ហាច្រើននឹងអាចកើនឡើងជាងមុន ដោយធ្វើឲ្យអ្នកមានទុក្ខកង្វល់យ៉ាងច្រើន។ ដូចនេះ អ្នកគួរតែប្រយ័ត្នក្នុងការទិញកាដូ ទើបអាចការពារសំណាង និងទ្រព្យអ្នកបានយ៉ាងល្អ៕ (អាន:ថ្នាំងងុយគេង ពេលអ្នកគួរប្រើ)