ករណីដែលនិយាយថា អ្នកកំពុងតែមានជំងឺផ្តាសាយ ក្អក ឬកណ្តាសច្រើន មានន័យថា អ្នកប្រហែលជាដឹងអំពីទម្លាប់នៃការរក្សាអនាម័យផ្ទាល់ខ្លួនហើយដូចជា ការពាក់ម៉ាសនៅមាត់ និងច្រមុះនៅពេលកណ្តាស ឬក្អក និងសម្រាកពីការងារ ឬសាលារៀនមួយរយៈខ្លីសិន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខណៈពេលដែលវាគឺជាជំងឺផ្តាសាយ រាងកាយត្រូវការពេលវេលាខ្លះដើម្បីថែរក្សាខ្លួនឯងដែឬ រួមទាំងការកាត់បន្ថយសកម្មភាពប្រចាំថ្ងៃដូចជា ចម្អិនអាហារ ជាដើម ដើម្បីបន្ថយការរាលដាលជំងឺនេះទៅអ្នកផ្សេង។
រឿងនេះអាចនឹងពិបាកធ្វើដែរជាពិសេសនៅពេលអ្នកជាម្តាយគេដែលត្រូវការធ្វើការងារជាច្រើនក្នុងផ្ទះបាយដើម្បីបម្រើគ្រួសារ ប៉ុន្តែការថែរក្សាខ្លួននៅដាច់ពីគេក្នុងពេលមានជំងឺគឺជារឿងល្អបំផុត។ រឿងនេះនឹងជួយបង្ការ ឬបន្ថយការរាលដាលរបស់មេរោគកុំឲ្យឆ្លងទៅអ្នកដទៃបាន។
តើនឹងមានអ្វីកើតឡើងទៅបើសិនជាអ្នកចម្អិនអាហារឲ្យគេញ៉ាំទាំងខ្លួនកំពុងតែមានជំងឺដែរនោះ?
ការអនុវត្តអនាម័យបានល្អគឺជារឿងសំខាន់នៅពេលអ្នកមានជំងឺ ជាពិសេសជំងឺផ្តាសាយតែម្តង។ ជំងឺភ្លូវដង្ហើមគឺងាយឆ្លងពីមនុស្សម្នាក់ទៅមនុស្សម្នាក់ទៀតណាស់តាមរយៈ ដំណក់ផ្លូវដង្ហើមពីការក្អក ឬកណ្តាស ដៃមិនសម្អាត។ល។ ដូច្នេះបើសិនជាអ្នកចម្អិនអាហារពេលខ្លួនឈឺ វានឹងមានការប្រឈមមុខមួយដែលអ្នកនឹងចម្លងជំងឺនេះទៅសមាជិកគ្រួសារដទៃតាមរយៈដំណក់ផ្លូវដង្ហើមនេះឯង។ តែបើសិនជាអ្នកត្រូវធ្វើម្ហូបទាំងឈឺអ៊ីចឹងមែណ អ្នកត្រូវឧស្សាហ៍លាងសម្អាតដៃ ការអនុវត្តការក្អក ឬកណ្តាសឆ្លាតវ៉ៃ ដោយក្អក ឬកណ្តាសនៅផ្នែកខាងក្នុងនៃកែងដៃ។ ប៉ុន្តែអ្វីដែលល្អបំផុតនោះគឺចៀសវាងការធ្វើម្ហូបតែម្តងបើសិនជាអ្នកកំពុងតែមានជំងឺផ្តាសាយហើយ។
អនាម័យផ្ទាល់ខ្លួនល្អគឺជាមធ្យោបាយដ៏មានប្រសិទ្ធភាពបំផុតក្នុងការការពារខ្លួនឯង និងអ្នកដទៃកុំឲ្យឆ្លងជំងឺ។ យកល្អគួរតែធ្វើទៅតាមទម្លាប់ខាងក្រោមនេះដើម្បីបញ្ឈប់ការរាលដាលរបស់មេរោគបង្កជំងឺ៖
- លាងសម្អាតដៃជាមួយសាប៊ូ និងទឹក ឬទឹកលាងដៃដែលមានជាតិអាលកុលពិសេស ៦០ភាគរយ
- មិនត្រូវយកដៃទៅប៉ះភ្នែក ច្រមុះ ឬមាត់ឡើយ
- ចូរបិតមាត់ និងច្រមុះនៅពេលកណ្តាស ឬក្អក ឬប្រើម៉ាសបិតតែម្តង
- ចូរនៅឲ្យឆ្ងាយពីអ្នកដទៃមុនពេលក្អក ឬកណ្តាស់បើសិនជាអាចធ្វើទៅបាន
- ចូរស្នាក់នៅផ្ទះនៅពេលអ្នកមានអារម្មណ៍ ឬសង្កេតឃើញមានអាការៈជំងឺផ្តាសាយកើតឡើងហើយ។(អាន:ថ្នាំងងុយគេង ពេលអ្នកគួរប្រើ)
បើសិនជាអ្នកមានជំងឺផ្តាសាយ អ្នកត្រូវតែសម្រាកឲ្យបានគ្រប់គ្រាន់ និងញ៉ាំអាហារសម្បូរជីវជាតិដើម្បីបន្ថយការប្រឈមមុខរបស់ចំងឺនេះ និងបន្ថយការរាលដាលនៃការបង្ករោគដូចគ្នាដល់អ្នកដទៃ៕