បើសិនជាអ្នកជាស្រ្តីអាយុខ្ទង់ ៤០ឆ្នាំ អ្នកប្រហែលជាដឹងហើយថា វាគឺជាអាយុកាលមួយក្នុងជីវិតដែលសំខាន់បំផុតសម្រាប់អ្នកហើយ។ ការដែលមានអាយុប៉ុណ្ណេះ អាចធ្វើឲ្យអ្នកមានអារម្មណ៍ល្អបំផុត ហើយក៏ប្រហែលជាមិនធ្លាប់ដឹងរឿងច្រើនអំពីបញ្ហាសុខភាពដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដូច្នេះហើយវាគឺជាពេលវេលាដ៏អស្ចារ្យមួយដែលអ្នកគួរតែមានការពិភាក្សាឲ្យបានច្រើនជាមួយគ្រូពេទ្យ ជាពិសេសការធ្វើតេស្តសុខភាពតែម្តង។ ខាងក្រោមនេះខ្ញុំសូមបង្ហាញនូវតេស្តសុខភាពសំខាន់ៗសម្រាប់ស្រ្តីអាយុខ្ទង់ ៤០ឆ្នាំ៖
សម្ពាធឈាម
សម្ពាធឈាមអ្នកក្នុងវ័យនេះគឺងាយនឹងឡើងខ្ពស់ណាស់ ប៉ុន្តែដំណឹងល្អនោះគឺថា អ្នកអាចបញ្ចុះវាបានតាមរយៈការផ្សំចូលគ្នានៃរបបអាហារ ហាត់ប្រាណ និងការប្រើថ្នាំ។ ការថែរក្សាសម្ពាធឈាមក្នុងកម្រិតមួយផ្តល់សុខភាពគឺជារឿងសំខាន់ដើម្បីអាចមានអាយុវែង និងបន្ថយការប្រឈមនឹងជំងឺរ៉ាំរ៉ៃជាច្រើនដូចជា ជំងឺបេះដូង និងដាច់សរសៃឈាមខួរក្បាល។
មើលក្រុមជាតិខ្លាញ់
ចូរកុំអាកខានក្នុងការធ្វើតេស្តឈាមសាមញ្ញៗមួយនេះ ព្រោះវាអាចជួយសង្គ្រោះជីវិតអ្នកបាន។ វាមិនខុសគ្នានឹងសម្ពាធឈាមទេ អ្នកគួរតែឲ្យគ្រូពេទ្យមើលកម្រិតក្រុមជាតិខ្លាញ់ជារៀងរាល់ មួយឬពីរឆ្នាំម្តងចាប់តាំងពីអ្នកអាយុបានខ្ទង់ ២០ឆ្នាំ។ បើសិនជាមិនបានធ្វើទេ ចូរធ្វើវាភ្លាមទៅ។ ចូរចាំថា ការប្រឈមនឹងការលើសកូឡេស្តេរ៉ុល គឺកើនឡើងនៅពេលអាយុកាន់តែច្រើន។
ជាតិស្ករក្នុងឈាម
ឱកាសដែលអ្នកត្រូវការតាមដានជាតិស្ករក្នុងឈាមនោះគឺឥឡូវនេះហើយបើសិនជាអ្នកមានកត្តាប្រឈមមុខ ឬមានគ្រួសារធ្លាប់កើតជំងឺទឹកនោមផ្អែម។ សមាគមន៍ជំងឺទឹកនោមផ្អែមអាមេរិកបានណែនាំថា អ្នកគួរតែចាប់ផ្តើមពិនិត្យសុខភាពជាតិស្ករជារៀងរាល់ឆ្នាំក្នុងវ័យ ៤៥ឆ្នាំ។
ថតសុដន់
សង្គមជំងឺមហារីកអាមេរិកបានណែនាំថា ស្រ្តីអាយុខ្ទង់ពាក់កណ្តាល ៤៥ឆ្នាំ គួរតែជ្រើសរើសការចាប់ផ្តើមពិនិត្យរកមហារីកសុដន់ដោយការថតសុដន់ Mammograms។ ស្រ្តីដែលមានអាយុពី ៤៥ ទៅ ៥៤ឆ្នាំគួរតែថតសុដន់ជារៀងរាល់ឆ្នាំ ខណៈពេលដែលស្រ្តីអាយុចាប់ពី ៥៥ឆ្នាំឡើងទៅគួរតែប្តូរមកថតសុដន់ជារៀងរាល់ ២ឆ្នាំម្តង ឬបន្តធ្វើជារៀងរាល់ឆ្នាំ។
ពិនិត្យអាងត្រគាក និងតេស្ត Pap
អ្នកប្រហែលជាគិតថា អ្នកមិនត្រូវការធ្វើការពិនិត្យអាងត្រគាកទៀតទេ ជាពិសេសបើសិនជាអ្នកធ្លាប់មានកូនរួចហើយ។ ប៉ុន្តែការមិនមានផាសុកភាពតិចតួចរយៈពេលពីរបីនាទីអាចជួយការពារអ្នកពីជំងឺមហារីកមាត់ស្បូន និងជំងឺកាមរោគបាន។ តាមពិតទៅ ស្រ្តីអាយុពី ៣០ ទៅ ៦៥ឆ្នាំ គួរតែធ្វើតេស្ត Pap បូករួមនឹងតេស្តរកមើលវីរុសបង្កជំងឺមហារីកមាត់ស្បូន HPV ទៀត ជារៀងរាល់ ៥ឆ្នាំម្តង ឬធ្វើតេស្ត Pap តែឯងជារៀងរាល់ ៣ឆ្នាំម្តង។
អ្វីដែលបានរៀបរាប់ខាងលើមិនមែនមានន័យថា អ្នកគួរតែទៅជួបពេទ្យដើម្បីកម្មង់ធ្វើតេស្តទាំងអស់នេះឡើយ ប៉ុន្តែអ្នកអាចចែកពេលវេលាដែលមរមាញឹករបស់អ្នកដើម្បីជួប និងពិគ្រោះជាមួយគ្រូពេទ្យសិនថាតើតេស្តណាមួយដែលសក្តិសមសម្រាប់អ្នកបំផុត។ (អាន:ថ្នាំងងុយគេង ពេលអ្នកគួរប្រើ)ការពិនិត្យសុខភាពជាទៀងទាត់ជាមួយនឹងទម្លាប់ផ្តល់សុខភាពទៀតអាចជួយអ្នករស់នៅប្រកបដោយសុខភាពល្អ និងអាយុវែងបាន៕