ខាងក្រោមនេះ យើងខ្ញុំនឹងបង្ហាញអ្នកពីអ្វីដែលធ្វើឲ្យកម្តៅអ្នកកើនឡើងខ្ពស់។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- កម្តៅក្នុងខ្លួនរបស់អ្នក អាចប្រែប្រួលតាមកម្តៅខាងក្រៅ។ ប្រសិនជាអ្នកស្ថិតក្នុងកន្លែងដែលមានកម្តៅខ្ពស់ នោះរាងកាយអ្នកនឹងប្រែជាក្តៅដូចគ្នា។ ដូចនេះ ក្រោយពេលដែលអ្នកត្រឡប់មកពីកន្លែងដែលមានកម្តៅខ្ពស់ អ្នកមិនគួរវាស់កម្តៅភ្លាមនោះទេ ព្រោះវាស់មិនដឹងច្បាស់ឡើយ។
- សីតុណ្ហភាពក្នុងពេលព្រឹក និងពេលថ្ងៃមិនដូចគ្នាទេ ដោយក្នុងពេលព្រឹក សីតុណ្ហភាពអាចរាងទាប ហើយពេលថ្ងៃនឹងប្រែជាខ្ពស់។ ជាហេតុដែលធ្វើឲ្យកម្តៅក្នុងខ្លួនរបស់អ្នកក៏អាចប្រែប្រួលតាមនោះផងដែរ។
- ក្រោយពេលដែលអ្នកហាត់ប្រាណរួច ឬញ៉ាំបាយរួច សីតុណ្ហភាពក្នុងខ្លួនអ្នកក៏អាចកើនឡើងដែរ ប៉ុន្តែខុសគ្នាតែ១អង្សាសេតែប៉ុណ្ណោះ។ ដូចនេះ ប្រសិនជាអ្នកចង់វាស់កម្តៅឲ្យត្រូវ អ្នកគួរតែជ្រើសរើសពេលវេលាឲ្យបានត្រូវ ទើបមិនវាស់ច្រឡំកម្តៅ៕ (អាន:ថ្នាំងងុយគេង ពេលអ្នកគួរប្រើ)