ការហាត់ប្រាណអាចជាផ្នែកមួយដ៏សំខាន់នៃសុខភាពមានផ្ទៃពោះ កាលណាអ្នកធ្វើវាដោយប្រុងប្រយ័ត្ន និងសុវត្ថិភាព។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) យ៉ាងណាមិញ សម្រាប់ក្បួនដ៏មានសុវត្ថិភាពសម្រាប់លំហាត់ប្រាណក្នុងពេលមានផ្ទៃពោះគួរតែធ្វើដូចខាងក្រោមនេះ៖
- ចូរពិនិត្យជានិច្ចជាមួយគ្រូពេទ្យមុនពេលអ្នកចាប់ផ្តើមការហាត់ប្រាណគ្រប់ប្រភេទក្នុងពេលមានផ្ទៃពោះ
- មិនត្រូវបង្ខំខ្លួនឯងឡើយនៅពេលមានការឈឺចាប់ អស់កម្លាំងពេក ឬពិបាកដកដង្ហើមក្នុងពេលហាត់ប្រាណ
- បើសិនជាអ្នកហាត់ប្រាណទៀងទាត់មុនពេលមានផ្ទៃពោះ អ្នកប្រហែលជាត្រូវការហាត់ប្រាណកុំខ្លាំងក្លាពេក
- បើសិនជាអ្នកមិនហាត់ប្រាណមុនពេលមានផ្ទៃពោះទេ ចូរហាត់វាបន្តិចម្តងៗវិញ
- ចូរធ្វើលំហាត់ប្រាណដែលមានការប៉ះពាល់តិចតួច និងផ្តល់ភាពងាយស្រួលសម្រាប់រាងកាយ
- ចូរចៀសវាងកីឡា ឬសកម្មភាពទាំងឡាយណាដែលអាចធ្វើឲ្យអ្នកដួល និងចៀសវាងលំហាត់ប្រាណនាដែលទាមទារឲ្យអ្នកដេក ឬត្រូវការឈរយៈពេលយូរ(អាន:ថ្នាំងងុយគេង ពេលអ្នកគួរប្រើ)
- ចូរញ៉ាំទឹកឲ្យបានគ្រប់គ្រាន់ និងកុំឲ្យក្តៅខ្លួនពេក៕