អ្នកប្រហែលជាធ្លាប់លឺសុភាសិតមួយនិយាយថា “ញ៉ាំអីនឹងទៅជាអ៊ីចឹង”។ ប៉ុន្តែវាមិនបែបហ្នឹងទាំងអស់ឡើយ ហើយពេលវេលាដែលអ្នកញ៉ាំក៏សំខាន់ដូចគ្នានឹងអ្វីដែលអ្នកញ៉ាំដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)វាពិតជាច្បាស់ថា នៅពេលអ្នកញ៉ាំអាចមានឥទ្ធិពលមួយចំពោះរាងកាយ។ ពេលវេលានៃការញ៉ាំអាហារ ពេលព្រឹក ថ្ងៃត្រង់ អាហារសម្រន់ និងអាហារពេលយប់ អាចមានឥទ្ធិពលទៅលើអត្រានៃការរំលាយអាហារ សម្របសម្រួលទម្ងន់ វដ្តនៃការគេង ។ល។
ការស្រាវជ្រាវបានបង្ហាញថា របៀបដែលអ្នកជ្រើសរើសអាហារញ៉ាំក៏អាចមានឥទ្ធិពលយ៉ាងធំនៅពេលនិយាយដល់ការសម្រកទម្ងន់ដែរ ជាពិសេសបើសិនជាអ្នកកំពុងតែតមអាហារ និងព្យាយាមសម្រកទម្ងន់។ ការតមអាហារពេលព្រឹកអាចនាំឲ្យមានបញ្ហាដល់សុខភាពជាច្រើនដូចជា ប្រឈមកាន់តែខ្ពស់នឹងជំងឺទឹកនោមផ្អែមប្រភេទទី២ អស់កម្លាំង ធាត់ជ្រុល ។ល។
ហេតុអ្វីបានជាអ្នកត្រូវញ៉ាំអាហារពេលព្រឹក?
មានប្រយោជន៍ច្រើនណាស់ដែលអ្នកអាចទទួលបានពីការញ៉ាំអាហារផ្តល់សុខភាពបេះដូង ដែលជារឿងអាហារសំខាន់បំផុតតែម្តង។ អត្ថប្រយោជន៍មួយចំនួននៃការញ៉ាំអាហារពេលព្រឹកទៀងទាត់៖
- វានឹងសម្រួលដល់ការមិនបានញ៉ាំអាហារពេញមួយយប់
- វាជួយឲ្យចាប់ផ្តើមដល់ការរំលាយអាហារ
- បង្កើនថាមពលក្នុងខ្លួន
- ជួយរក្សាជាតិស្ករក្នុងឈាមឲ្យហ្នឹងនរ
- ផ្តល់ជីវជាតិសំខាន់ៗដល់រាងកាយដែលត្រូវការចាំបាច់
- បន្ថយឱកាសនៃការញ៉ាំអាហារមានកាឡូរីខ្ពស់នៅពេលល្ងាចដើម្បីបង្ការការឡើងទម្ងន់
- ពង្រឹងដល់ការផ្ចង់អារម្មណ៍។
តើការញ៉ាំអាហារពេលព្រឹកនៅពេលណាទើបហៅថាល្អបំផុត?
ការញ៉ាំអាហារពេលព្រឹករយៈពេលពីរម៉ោងនៃការភ្ញាក់ពីគេងត្រូវបានចាត់ទុកថាជាពេលវេលាល្អមួយសម្រាប់មនុស្សភាគច្រើន។ ប៉ុន្តែបើសិនជាអ្នកមានបញ្ហាសុខភាពដូចជាជំងឺទឹកនោមផ្អែម យកល្អគួរតែញ៉ាំអាហារនៅរយៈពេលមួយម៉ោងក្រោយភ្ញាក់ពីគេងដើម្បីរក្សាតុល្យភាពនៃជាតិស្ករក្នុងឈាម។
បើសិនជាអ្នកចង់បង្កើនការសម្រកទម្ងន់ ពេលវេលាដ៏ល្អបំផុតក្នុងការញ៉ាំអាហារពេលព្រឹកគឺម៉ោង ៧ និង១១នាទីព្រឹក អាហារថ្ងៃត្រង់ចន្លោះម៉ោង ១២ និង៣០នាទី ដល់ម៉ោង ១ ខណៈពេលដែលពេលវេលាដ៏ល្អគឺម៉ោង ១២ និង ៣៨នាទី។(អាន:ថ្នាំងងុយគេង ពេលអ្នកគួរប្រើ) អ្នកស្រាវជ្រាវនិយាយថា ការញ៉ាំអាហារពេលយប់យូរជាង ម៉ោង ៧ល្ងាច អាចនឹងមិនល្អ តែល្អវិញនៅចន្លោះម៉ោង ៦ ទៅ ៦ និង៣០នាទី៕