ខាងក្រោមនេះ យើងខ្ញុំនឹងបង្ហាញអ្នកពីសកម្មភាពដែលអាចបង្ហាញថា អ្នកទាំងពីរបានដើរដល់ផ្លូវផ្សេងគ្នាហើយ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅពេលដែលអ្នកទាំងពីរ មានម្នាក់មានស្រី ឬប្រុសនៅក្រៅ មានន័យថា គ្រួសារមួយនេះត្រូវបានបំផ្លាញហើយ ព្រោះនៅពេលដែលអ្នកធ្វើរឿងនេះ អ្នកបានបាត់បង់ទំនួលខុសត្រូវចំពោះគ្រួសារ ហើយក៏ជាមនុស្សដែលអត្មានិយម មិនគិតពីគ្រួសារមួយនេះទៀតទេ។ ដូចនេះ គ្រួសារមួយនេះ ក៏មិនអាចបន្តដើរជាមួយគ្នាបានដែរ។
- នៅពេលដែលអ្នកទាំងពីរមិននិយាយជាមួយគ្នាក្នុងរយៈពេលយូរ ដោយធ្វើសង្គ្រាមត្រជាក់ មានន័យថា អាពាហ៍ពិពាហ៍អ្នកក៏ងាយនឹងត្រូវបានបំផ្លាញដែរ ព្រោះអ្នកបានដើរដល់ដំណាក់កាលដែលគ្មានពាក្យនិយាយជាមួយគ្នា មិនដឹងនិយាយអ្វី។ ដូចនេះ នៅពេលដែលមានបញ្ហា អ្នកក៏មិនអាចពិភាក្សាគ្នាបានដែរ។ ជាហេតុដែលធ្វើឲ្យអ្នកទាំងពីររស់នៅជាមួយគ្នាមិនបានយូរទៀតទេ។
- ប្រសិនជាអ្នកដើរដល់ដំណាក់កាលចែកគ្រែគ្នាដេកហើយ នោះអាពាហ៍ពិពាហ៍អ្នកកំពុងតែជួបនឹងបញ្ហាធ្ងន់ធ្ងរណាស់ ដោយអាចដើរដល់ផ្លូវបំបែកបាន។ ដូចនេះ អ្នកគួរតែប្រយ័ត្ន កុំឲ្យចំណុច៣នេះកើតឡើងឲ្យសោះ ទើបអ្នកអាចបន្តរស់នៅជាមួយគ្នាបាន៕ (អាន:ថ្នាំងងុយគេង ពេលអ្នកគួរប្រើ)