មានឱកាសល្អមួយដែលអ្នកអាចដោះស្រាយការឈឺខ្នងបានក្នុងពេលមានផ្ទៃពោះ។ សរុបទៅការឡើងទម្ងន់ បម្រែបម្រួលអ័រម៉ូន និងមិនអាចធ្វើឲ្យខ្លួនឯងមានផាសុកភាពបានសុទ្ធតែអាចបង្កជាផលវិបាកដល់រាងកាយបានទាំងអស់រួមទាំងខ្នងផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខណៈពេលដែលអ្នកទំនងជាមិនមានផាសុកភាពក្នុងពេលមានផ្ទៃពោះ អ្នកប្រហែលជាមិនរំពឹងថានឹងឈឺខ្នងទៀតទេក្រោយសម្រាលកូនដោយវះកាត់រួច។

ការឈឺខ្នងគឺជារឿងដែលស្រ្តីជាម្តាយមួយចំនួនតែងជួបប្រទះក្រោយសម្រាលកូនរួច ហើយការឈឺចាប់នេះច្រើនតែចាប់ផ្តើមរយៈពេលច្រើនម៉ោងក្រោយសម្រាលកូនរួច និងបន្តច្រើនថ្ងៃ ឬខែទៀតឯណោះ។ អ្នកប្រហែលជាអាចនឹងមិនមានអាការៈមិនស្រួលបន្ថែមទៀតនៅកន្លែងវះ ប៉ុន្តែឥឡូវនេះអញនកកំពុងតែឈឺខ្លាំងនៅកន្លែងផ្សេងនោះគឺខ្នងតែម្តង។ ចំពោះមូលហេតុវិញអាចមានច្រើនដូចជា៖

បម្រែបម្រួលអ័រម៉ូន

ជាស្រ្តីមានផ្ទៃពោះមិនគ្រាន់តែពោះធំទេ តែក៏អាចមានការប្រែប្រួលមិនតិចកើតឡើងដែរ ដែលខ្លះអាចនាំឲ្យឈឺខ្នងក្រោយសម្រាលទៀត។ ក្នុងពេលមានផ្ទៃពោះ រាងកាយនឹងបញ្ចេញអ័រម៉ូនមានផ្ទៃពោះដើម្បីត្រៀមខ្លួនសម្រាប់ការសម្រាល។ អ័រម៉ូនមួយនេះនឹងទៅបន្ធូរសរសៃចងឆ្អឹង និងសន្លាក់ ដូច្នេះវានឹងផ្តល់ភាពងាយស្រួលក្នុងការសម្រាលកូន។ រាងកាយបញ្ចេញអ័រម៉ូនទាំងនេះដោយមិនគិតថា អ្នកសម្រាលកូនដោយធម្មជាតិ ឬវះកាត់ឡើយ។ 

ឡើងទម្ងន់

ការឡើងទម្ងន់គឺជាដើមហេតុមួយទៀតដែលនាំឲ្យឈឺខ្នងដែរ។ វាគឺជារឿងធម្មតាទេដែលអ្នកត្រូវឡើងទម្ងន់ក្នុងពេលមានផ្ទៃពោះ។ ប៉ុន្តែទម្ងន់ដែលឡើង និងស្ថិតនៅតំបន់កណ្តាលអាចនឹងដាក់សម្ពាធទៅលើខ្នង និងឆ្អឹងខ្នងបាន រហូតដល់ទៅជាឈឺខ្នងទៀត។ 

លើក ឬបីកូន

កូនអញនកប្រហែលជាមានទម្ងន់ត្រឹម ៣គីឡូក្រាមឡើងទៅ ដែលវាហាក់បីដូចជាមិនមានអ្វីធ្ងន់ច្រើនឡើង ប៉ុន្តែទម្ងន់បែបនេះកាលណាបីច្រើនដងពេកអាចនឹងប៉ះពាល់ដែរ។ ជាមួយគ្នានេះដែរ ការលើកបីកូនចេញពីក្នុងគ្រែរបស់គេអាចនឹងធ្វើឲ្យឈឺខ្នង ឬកដែរ។ ការធ្វើចលនាខ្លាំងពេលលើកកូនចុះឡើងក៏ជាដើមហេតុរួមចំណែកដែរ។ 

ការបំបៅដោះកូន

ការបំបៅដោះកូនគឺជាមធ្យោបាយដ៏ឆ្លាតវៃក្នុងការចិញ្ចឹមកូន ហើយក្នុងពេលបំបៅកូនម្តងៗ អ្នកប្រហែលជាត្រូវឲ្យដើម្បីមើលកូនបន្ថែមទៀត។ ជាអកុសល ការរក្សាជំហរបែបនេះយូរពេកនឹងដាក់សម្ពាធទៅលើក ធ្វើឲ្យឈឺកញ្ចឹងករ ហើយចាក់ទៅខ្នងបាន។ ជំហរមិនល្អខណៈពេលកំពុងតែបំបៅដោះកូនក៏អាចធ្វើឲ្យឈឺខ្នងបានដែរ ជាពិសេសបើសិនជាស្មររបស់អ្នកអោនធ្លាក់មួយចំហៀងសម្រាប់បំបៅកូន។ ដើម្បីបន្ថយការឈឺចាប់ ចូរបន្ធូរស្មា ហើយដាក់ខ្នើយកល់កែងដៃដើម្បីទ្រដៃ។ 

ឥទ្ធិពលនៃថ្នាំស្ពឹក

ប្រភេទនៃថ្នាំស្ពឹកដែលចាក់អ្នកមុនពេលវះកាត់ក៏អាចធ្វើឲ្យឈឺចាប់ច្រើនថ្ងៃ ឬសប្តាហ៍ដែរក្រោយពេលសម្រាលកូនរួច។ អ្នកប្រហែលជាត្រូវការចាក់ថ្នាំស្ពឹកប្រភេទ Epidural ឬ Spinal Block ដើម្បីស្ពឹកមួយកំណាត់ខ្លួនចុះក្រោមសម្រាប់ការវះកាត់មិនមានការឈឺចាប់។ ជាមួយនឹងការចាក់ថ្នាំ Epidural គ្រូពេទ្យនឹងចាក់ថ្នាំចូលទៅក្នុងតំបន់ជុំវិញខួរឆ្អឹងកងខ្នង ខណៈពេលដែល Spinal Block គ្រូពេទ្យនឹងចាក់ថ្នាំជិតនឹងខួរឆ្អឹងកងខ្នង។ (អាន:ថ្នាំងងុយគេង ពេលអ្នកគួរប្រើ) Spinal Block មានប្រសិទ្ធភាពលឿនជាង។ បញ្ហាមួយនៃការចាក់ថ្នាំស្ពឹកប្រភេទ Epidural និង Spinal Block គឺថាវាអាចធ្វើឲ្យសាច់ដុំរឹងនៅក្បែខួរឆ្អឹងខ្នងក្រោយសម្រាលរួច។ ការរឹងសាច់ដុំនេះអាចបន្តរហូតដល់ច្រើនសប្តាហ៍ ឬខែក្រោយសម្រាលរួចដែរ៕