អាហារគឺជាផ្នែកមួយដ៏សំខាន់បំផុតសម្រាប់ជីវិតរស់នៅរបស់យើង ហើយយើងក៏តែងតែស្វែងរកអាហារណាដែលឆ្ងាញ់ៗ និងផ្តល់សុខភាពដើម្បីទទួលទានផងដែរ។ អាហារដើរតួនាទីសំខាន់មួយក្នុងការថែរក្សាសុខភាព ដូច្នេះយើងគួរតែជ្រើសរើសអាហារដែលត្រឹមត្រូវសម្រាប់របបអាហារ ដើម្បីធានាថា វាមិននាំឲ្យធាត់ និងផ្តល់សុខភាពសម្រាប់រាងកាយ និងចិត្តគំនិត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ មានផ្លែឈើផ្តល់សុខភាពមួយប្រភេទដែលអ្នកអាចជំនួសអាហារមិនផ្តល់សុខភាពបាននោះគឺជាផ្លែបឺរីតែម្តង។
ល្អសម្រាប់អាហារសម្រន់ដ៏អស្ចារ្យ
ផ្លែបឺរីជាផ្លែឈើដ៏ឆ្ងាញ់ និងផ្តល់សុខភាពបំផុត។ ដោយសារតែវាមានជាតិសរសៃខ្ពស់ដូច្នេះវាពិតជាជម្រើសអាហារសម្រន់ដ៏អស្ចារ្យមួយដែលងាយនឹងធ្វើឲ្យអ្នកឆាប់ឆ្អែត និងឆ្អែតបានយូរទៀត។ វាផ្ទុកទោដោយជីវជាតិ ជាតិទឹក អង់ទីអុកស៊ីដង់ និងសារធាតុផ្សេងៗទៀតដែលអាចជួយឲ្យអ្នកកាន់តែមានសុខភាពល្អបាន។ ផ្លែបឺរីមិនគ្រាន់តែល្អសម្រាប់រាងកាយទេ តែក៏ល្អសម្រាប់សុខភាពផ្លូវចិត្តដែរ។
ជួយបន្ថយការប្រឈមនឹងជំងឺ
ផ្លែបឺរីសម្បូរទៅដោយអង់ទីអុកស៊ីដង់ ដែលអាចបន្ថយសកម្មភាពរ៉ាឌីកាលសេរីក្នុងរាងកាយ និងបន្ថយសម្ពាធអុកស៊ីតកម្មបានទៀត។ រឿងនេះនឹងបន្ថយការប្រឈមនឹងជំងឺ ព្រមទាំងជួយឲ្យកោសិកាកាន់តែមានសុខភាពល្អ។ អង់ទីអុកស៊ីដង់របស់ផ្លែបឺរីក៏អាចជួយស្បែកកាន់តែមានសុខភាពល្អ បន្ថយការកើតជំងឺមហារីក និងជួយសម្រកទម្ងន់ទៀត។
ពង្រឹងដល់ការឆ្លើយតបនឹងអាំងស៊ុយលីន
ការញ៉ាំផ្លែបឺរីក៏ត្រូវបានគេអះអាងថាមានប្រយោជន៍សម្រាប់អ្នកជំងឺទឹកនោមផ្អែមផងដែឬ។ ការសិក្សាបានឲ្យដឹងថា ផ្លែបឺរីអាចជួយគ្រប់គ្រង់ជាតិស្ករក្នុងឈាមតាមរយៈការពង្រឹងភាពឆ្លើយតបរបស់អាំងស៊ុយលីន។ ភាពរ៉េស៊ីស្តង់នឹងអាំងស៊ុយលីនគឺជាមូលហេតុញឹកញាប់បំផុតនៃជំងឺទឹកនោមផ្អែមប្រភេទទី២។ (អាន:ថ្នាំងងុយគេង ពេលអ្នកគួរប្រើ) ការសិក្សាបានរកឃើញថា ទឹកផ្លែបឺរីកិនអាចជួយពង្រឹងដល់ការឆ្លើយតបនឹងអាំងស៊ុយលីនលើអ្នកជំងឺទឹកនោមផ្អែមបាន៕