ខាងក្រោមនេះ យើងខ្ញុំនឹងបង្ហាញអ្នកពីផលលំបាកដែលសិស្សសាលានាំគ្នាឡើងផ្ទះសំណាក់ក្នុងថ្ងៃបុណ្យសង្សារនេះ។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)
- ការសិក្សារបស់អ្នកនឹងធ្លាក់ចុះជាខ្លាំង ព្រោះអ្នកនឹងចាប់ផ្តើមមានអារម្មណ៍រវើលរវាយ ដោយក្នុងខួរក្បាលអ្នកពោរពេញទៅដោយរឿងរួមភេទនោះតែប៉ុណ្ណោះ។ ជាហេតុដែលធ្វើឲ្យអ្នករៀនមិនចូលនោះទេ ដោយអាចធ្លាក់ដល់ផ្លូវបោះបង់ចោលការសិក្សាដ៏មានតម្លៃរបស់អ្នក។
- នៅពេលដែលអ្នកបោះបង់ចោលការសិក្សា អនាគតរបស់អ្នកនឹងត្រូវបានបំផ្លាញទាំងស្រុង ដោយអ្នកនឹងក្លាយជាមនុស្សដែលអវិជ្ជា គ្មានចំណេះដើម្បីចិញ្ចឹមខ្លួនអ្នក និងគ្រួសារឡើយ។ ជាហេតុដែលធ្វើឲ្យអនាគតអ្នកមិនមានពន្លឺឡើយ។
- កេរ្តិ៍ឈ្មោះរបស់អ្នក និងគ្រួសារ នឹងត្រូវបានបំផ្លាញភ្លាម នៅពេលដែលអ្នកដទៃដឹង។ ជាពិសេស មាតាបិតាអ្នកនឹងឈឺចិត្តខ្លាំងណាស់ពេលដែលកូនស្រីខ្លួនធ្វើបែបនេះ ដោយពួកគាត់នឹងពិបាកចិត្តជាខ្លាំង ព្រោះគាត់ខំចិញ្ចឹមអ្នក ថែទាំ និងការពារអ្នកបានយ៉ាងល្អ មិនឲ្យរបួសឡើយ។ ដូចនេះ អ្នកគួរតែដឹងគុណ និងសងគុណគាត់ មិនមែនធ្វើរឿងអាម៉ាស់បែបនេះ ឲ្យគាត់អាប់មុខ ហើយពិបាកចិត្តខ្លាំងទេ។
- ប្រសិនជាអ្នកមិនប្រយ័ត្ន អ្នកនឹងងាយឆ្លងរោគខ្លាំងណាស់។ ជាហេតុដែលធ្វើឲ្យរោគស្ត្រី និងរោគផ្សេងអាចកើតមានលើខ្លួនអ្នក។
- អ្នកគួរតែចាំថា បុរសដែលស្រឡាញ់អ្នកពិត នឹងមិនឲ្យអ្នកយកខ្លួនដែលពោរពេញទៅដោយភាពបរិសុទ្ធ មកបញ្ជាក់ក្តីស្រឡាញ់របស់អ្នកចំពោះគេឡើយ។ ជាពិសេស បុរសដែលស្រឡាញ់អ្នកពិត នឹងមិនប៉ះពាល់ខ្លួនអ្នកឡើយ ដោយគេនឹងចូលស្តីដណ្តឹងអ្នកតាមប្រពៃណី ដើម្បីបញ្ជាក់ពីក្តីស្រឡាញ់របស់គេ។ ដូចនេះ អ្នកមិនគួរព្រោះតែកាដូ ឬពាក្យផ្អែមល្ហែមរបស់គេ ហើយព្រមប្រគល់ខ្លួនអ្នកដល់គេទេ ទើបអ្នកមិនស្តាយក្រោយ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)