ជំងឺរើម ដែលបង្កឡើងដោយវីរុសដូចគ្នានឹងវីរុសបង្កជំងឺអ៊ុតស្វាយដែរនោះ មានជាប់ទាក់ទងនឹងការប្រឈមកាន់តែខ្លាំងនឹងជំងឺដាច់សរសៃឈាមខួរក្បាល ប៉ុន្តែអ្នកស្រាវជ្រាវថ្មីៗនេះបានរកឃើញថា វ៉ាក់សាំបង្ការជំងឺរើមប្រហែលជាអាចជួយបង្ការជំងឺដាច់សរសៃឈាមខួរក្បាលលើមនុស្សចាស់បាន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ជំងឺរើមគឺជាការរើឡើងវិញនៃវីរុសបង្កជំងឺអ៊ុតស្វាយ ហើយជាធម្មតាច្រើនតែកើតឡើងក្រោយអាយុ ៥០ឆ្នាំ។ ការប្រឈមនឹងជំងឺអ៊ុតស្វាយនឹងកើនឡើងនៅពេលអាយុកាន់តែច្រើន និងមានជំងឺណាផ្សេងទៀត។ មនុស្សម្នាក់ក្នុងចំណោមបីនាក់ដែលធ្លាប់មានជំងឺអ៊ុតស្វាយនឹងកើតជំងឺរើម។ វ៉ាក់សាំងបង្ការជំងឺរើមអាចបង្ការជំងឺបាន ៥១ភាគរយ។
ដើម្បីជួយកំណត់ថាតើវ៉ាក់សាំងជំងឺរើមនេះអាចបន្ថយការប្រឈមនឹងជំងឺដាច់សរសៃឈាមខួរក្បាលឬអត់ អ្នកស្រាវជ្រាវបានធ្វើការរំលឹកទៅលើកំណត់ត្រាសុខភាពមនុស្សចាស់អាយុចាប់ពី ៦៦ឆ្នាំឡើងប្រមាណ មួយលាននាក់ ដែលមិនធ្លាប់មានជំងឺដាច់សរសៃឈាមខួរក្បាល និងចាក់វ៉ាក់សាំបង្ការជំងឺនេះនៅចន្លោះ ២០០៨ ដល់ម៉ោង ២០១៤។
ពួកគេតាមដានជាមធ្យមប្រមាណ ៤ឆ្នាំ។ អ្នកស្រាវជ្រាវបានរកឃើញថា ការដែលចាក់វ៉ាក់សាំងបង្ការជំងឺរើមឃើញថាអាចបន្ថយការប្រឈមនឹងជំងឺដាច់សរសៃឈាមខួរក្បាលបានប្រហែល ១៦ភាគរយ ដាច់សរសៃឈាមខួរក្បាលបែបកំណកឈាមស្ទះបាន ១៨ភាគរយ និងដាច់សរសៃឈាមខួរក្បាលបែបហូរឈាមក្នុងខួរក្បាលប្រហែល ១២ភាគរយ។ ការការពាររបស់វ៉ាក់សាំងមានលក្ខណៈខ្លាំងក្លាបំផុតលើមនុស្សអាយុចាប់ពី ៦៦ ទៅ៧៩ឆ្នាំ អាយុចាប់ពី ៨០ឆ្នាំឡើងទៅ។(អាន:ថ្នាំងងុយគេង ពេលអ្នកគួរប្រើ)
មូលហេតុនៃការប្រឈមកាន់តែខ្លាំងនៃជំងឺដាច់សរសៃឈាមខួរក្បាលក្រោយមានជំងឺរើមរួច ប្រហែលជាកើតឡើងដោយសារការរលាកដែលបង្កឡើងដោយវីរុស៕