ខាងក្រោមនេះ យើងខ្ញុំនឹងបង្ហាញអ្នកពីរយៈពេលដែលអ្នកគួរតែវ៉ៃកូន ដើម្បីអប់រំគេ។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

  1. នៅពេលដែលកូនចូលចិត្តលេងរបស់គ្រោះថ្នាក់ ដូចជា លេងភ្លើង លេងខ្សែភ្លើង និងរបស់គ្រោះថ្នាក់មួយចំនួនទៀត បើអ្នកនិយាយម្តង ពីរដង ឬបីដងហើយ កូននៅតែស្តាប់មិនចូល ដោយនៅតែបន្តលួចលេងទៀត អ្នកគួរតែប្រើការវ៉ៃ ទើបអាចបញ្ឈប់កូនបាន ព្រោះជួនកាលកូននៅតូចពេក ពិបាកក្នុងការស្តាប់យល់ពីគ្រោះថ្នាក់នៃរបស់ទាំងនោះណាស់។
  2. នៅពេលដែលកូនតែងលួចលុយរបស់អ្នក ដោយអប់រំយ៉ាងណាក៏គេនៅតែបន្តលួច អ្នកគួរតែប្រើការវ៉ៃ ដើម្បីឲ្យគេស្តាប់ចូល ព្រោះបើអ្នកមិនអប់រំកូនទេ លុះធំឡើងកូននឹងអាចរក្សាទម្លាប់អាក្រក់នេះ។
  3. ប្រសិនជាកូនអ្នកជាក្មេងដែលមានគំនិតអត្មានិយម ដោយគិតតែខ្លួនគេ មិនចេះគិតដល់អ្នកដទៃ មិនចេះចែករំលែក អ្នកគួរតែអប់រំគេឲ្យបាត់នូវចរិតមួយនេះ។ បើគេមិនស្តាប់ អ្នកអាចវ៉ៃគេបាន ព្រោះបើចរិតនេះរក្សារហូតដល់ពេលដែលគេធំ គេនឹងមិនមានមិត្តភក្តិឡើយ ដោយគ្មាននរណាអាចជួយគេបាននោះទេ។
  4. នៅពេលដែលកូនតែងមិនគោរពវិន័យ មិនថាអ្នកនិយាយយ៉ាងណា ក៏គេមិនគោរព ការវ៉ៃនឹងជួយអ្នកបាន ព្រោះបើអ្នកមិនវ៉ៃទេ កូននឹងមានចរិតរឹងខ្លាំងណាស់ ដោយពិបាកនឹងពត់ក្នុងថ្ងៃក្រោយ៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)