សព្វថ្ងៃនេះយើងកំពុងតែរស់នៅក្នុងសង្គមមួយដែលធ្វើការមិនចេះឈប់សោះ។ ដូច្នេះយើងច្រើនតែទុកការដេកពួននៅក្រោយគេ ហើយក៏ត្រឡប់មកធ្វើការងារដែលត្រូវធ្វើយ៉ាងច្រើនរហូតភ្លេចដេកក៏មានដែរ។ ប៉ុន្តែនេះគឺជារឿងដែលមិនត្រឹមត្រូវឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការគេងមានឥទ្ធិពលខ្លាំងទៅលើអារម្មណ៍របស់យើងនៅពេលថ្ងៃ ហើយជីវជាតិដើរតួនាទីមួយសម្រាប់ជំរុញដល់ការគេងលក់ឬអត់។ អាហារដែលទាក់ទងនឹងអ័រម៉ូន Serotonin ដែលជាអ័រម៉ូនសំខាន់ ជាមួយនឹងវីតាមីន B6, B12 និង Folic Acid ទៀតនោះនឹងជួួយជំរុញដល់សុខភាពកាន់តែល្អ។ ចូរព្យាយាមញ៉ាំអាហារទាំងឡាយណាដែលផ្តល់ភាពធូរស្រាលដល់រាងកាយ បង្កើនចំនួនអ័រម៉ូន Serotonin ដូច្នេះអ្នកនឹងគេងលក់យ៉ាងស្ងប់ហើយ។ ខាងក្រោមនេះខ្ញុំសូមណែនាំអាហារមួយចំនួនតូចដែលអ្នកគួរតែចាប់ផ្តើមញ៉ាំបើសិនជារាល់ថ្ងៃនេះអ្នកគេងមិនលក់សោះ៖

កាបូអ៊ីដ្រាតកំផ្លេច

នំបុ័ងធ្វើពីស្រូវសាលី និងអង្ករសម្រូប គឺជារឿងដែលល្អ ហើយក៏ត្រូវញ៉ាំឲ្យបានច្រើនដែរ ព្រោះវានឹងជួយបង្កើនអ័រម៉ូន Serotonin ក្នុងខ្លួន និងជំរុញដល់ការគេងលក់ស្រួលបាន។ 

ប្រូតេអ៊ីនសុទ្ធ

ប្រូតេអ៊ីនបែបនេះមានដូចជា សាច់មាន់ និងត្រី។ អាហារទាំងនេះសម្បូរទៅដោយ អាស៊ីតអាមីណេ Tryptophan ដែលនឹងជួយបង្កើនចំនួនអ័រម៉ូន Serotonin។ ប៉ុន្តែត្រូវចៀសវាងការញ៉ាំស្លាបមាន់ ឬត្រីចៀនខ្លាញ់ច្រើន ព្រោះវាពិបាករំលាយ ហើយធ្វើឲ្យអ្នកមិនអាចគេងលក់ឡើយ។ 

ខ្លាញ់ផ្តល់សុខភាពដល់បេះដូង

ខ្លាញ់ប្រភេទ Unsaturated Fat នឹងមិនគ្រាន់តែបង្កើនសុខភាពបេះដូងទេ តែក៏ជួយពង្រឹងដល់កម្រិតអ័រម៉ូន Serotonin ក្នុងឈាមបានដែរ។ ឧទាហរណ៍ ប័រសណ្តែកដី សណ្តែកដី ផ្លែអាលម៉ុន គ្រាប់រីករាយ និងគ្រាប់ស្វាយច័ន្ទី។ ចូរចៀសវាងអាហារដែលមានជាតិខ្លាញ់ Saturated និង Trans Fats ដូចជា ដំឡូងចៀន ឬអាហារសម្រន់មានជាតិខ្លាញ់ខ្ពស់ជាដើម ព្រោះវានឹងបន្ថយការបញ្ចេញអ័រម៉ូន Serotonin បាន។ 

ភេសជ្ជៈ

ភេសជ្ជៈអាចជំរុញដល់ការគេងផង ឬបង្ការការគេងផង។ ភេសជ្ជៈដ៏ល្អនិងញ៉ាំមុនគេងគួតែជាទឹកដោះគោក្តៅឧណ្ហៗ ឬតែជីអង្កាម។ សម្រាប់ភេសជ្ជៈមានជាតិកាហ្វេអ៊ីនវិញ យកល្អសម្រាប់អ្នកពិបាកគេង គួរតែញ៉ាំយូរបំផុតត្រឹមម៉ោង ២រសៀលអីបានហើយ។ (អាន:ថ្នាំងងុយគេង ពេលអ្នកគួរប្រើ) ជាតិកាហ្វេអ៊ីនអាចមានឥទ្ធិពលខុសៗគ្នាលើមនុស្សយើង ហើយអ្នកខ្លះគ្រាន់តែញ៉ាំបន្តិចក៏ពិបាកនឹងគេងលក់ពេញមួយយប់ដែរ៕