អ្នកស្រាវជ្រាវបានរកឃើញថា ការដែលមានហ្សែនធ្វើឲ្យអ័រម៉ូនភេទប្រុសតេស្តូស្តេរ៉ូនឡើងខ្ពស់ នឹងធ្វើឲ្យប្រឈមកាន់តែខ្លាំងនឹងជំងឺទាក់ទងនឹងការរំលាយអាហារដូចជា ជំងឺទឹកនោមផ្អែមប្រភេទទី២លើមនុស្សស្រី ខណៈពេលដែលបន្ថយការប្រឈមមុខលើមនុស្សប្រុសវិញ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការឡើងខ្ពស់របស់អ័រម៉ូនតេស្តូស្តេរ៉ូនក៏ធ្វើឲ្យប្រឈមកាន់តែខ្លាំងនឹងមហារីកសុដន់ និងស្បូនលើស្រ្តី មហារីកក្រពេញប្រូស្តាតលើបុរស។
ថ្វីបើការរកឃើញសមាសធាតុហ្សែនដ៏ខ្លាំងចំពោះកម្រិតអ័រម៉ូនតេស្តូស្តេរ៉ូនលើបុរស និងស្រ្តីក៏ដោយ តែអ្នកស្រាវជ្រាវរកឃើញថា កត្តាហ្សែនដែលចូលរួមគឺមានលក្ខណៈខុសគ្នាយ៉ាងខ្លាំងរវាងភេទនីមួយៗ ជាពិសេសនៅពេលនិយាយដល់ជំងឺតឹកនោមផ្អែមតែម្តង។ ក្រុមអ្នកស្រាវជ្រាវបានប្រើប្រាស់ការសិក្សាដែលទាក់ទងនឹងហ្សែន (GWAS) លើអ្នកចូលរួមជាជនជាតិអង់គ្លេសប្រមាណ ៤២៥០៩៧នាក់ ដើម្បីសម្គាល់ភាពប្រែប្រួលហ្សែន ២៥៧១ដែលទាក់ទងជាមួយនឹងភាពខុសគ្នាលើកម្រិតអ័រម៉ូនតេស្តូស្តេរ៉ូន និងការតោងប្រូតេអ៊ីនរបស់វាចំពោះអ័រម៉ូនភេទ (SHGB)។
ជាលទ្ធផលគេបានរកឃើញថា ក្នុងខ្លួនរបស់ស្រ្តីដែលមានហ្សែននាំឲ្យអ័រម៉ូនតេស្តូស្តេរ៉ូនខ្ពស់ស្រាប់ វានឹងធ្វើឲ្យប្រឈមខ្ពស់នឹងជំងឺទឹកនោមផ្អែមប្រភេទទី២ ៣៧ភាគរយ និងចង្កោមរោគសញ្ញាគីសច្រើនគ្រាប់ ៥១ភាគរយ។ ប៉ុន្តែពួកគេក៏បានរកឃើញថា ការដែលមានចំនួនអ័រម៉ូនតេស្តូស្តេរ៉ូនកាន់តែខ្ពស់ កាន់តែបន្ថយ ការប្រឈមនឹង T2D លើមនុស្សប្រុសបាន ១៤ភាគរយវិញ។ (អាន:ថ្នាំងងុយគេង ពេលអ្នកគួរប្រើ)
លើសពីនេះទៅទៀត គេបានរកឃើញថា ស្រ្តីដែលមានហ្សែននាំឲ្យអ័រម៉ូណតេស្តូស្តេរ៉ូនខ្ពស់ គឺប្រឈមកាន់តែខ្ពស់នឹងមហារីកសុដន់ និងស្បូនលើមនុស្សស្រី និងមហារីកក្រពេញប្រូស្តាតលើបុរស៕