ថ្នាំគួរតែប្រើដោយប្រុងប្រយ័ត្នបំផុតក្នុងពេលមានផ្ទៃពោះ

ស្រ្តីដែលមានផ្ទៃពោះ ឬកំពុងតែព្យាយាមមានផ្ទៃពោះ គួរតែប្រុងប្រយ័ត្នខ្ពស់អំពីការលេបថ្នាំ។ ចូរពិគ្រោះជាមួយគ្រូពេទ្យអំពីការលេបថ្នាំតាមវេជ្ជបញ្ជា ថ្នាំគ្មានវេជ្ជបញ្ជា វីតាមីន ឬថ្នាំបំប៉នក្នុងពេលមានផ្ទៃពោះផង។ 

• ចូរពិគ្រោះជាមួយគ្រូពេទ្យមុនពេលលេបថ្នាំគ្រប់ប្រភេទ ជាពិសេសថ្នាំក្អក ទល់លាមក រាករូស ចង្អោ ឬថ្នាំផ្តាសាយ
• ចូរប្រយ័ត្នជាពិសេសលើការប្រើប្រាស់ថ្នាំគ្រប់ប្រភេទក្នុងត្រីមាសដំបូងនៃការមានផ្ទៃពោ ព្រោះវាជាពេលវេលាដែលទារកមានការប្រឈមខ្ពស់បំផុតនឹងការលូតលាស់មិនល្អ
• មិនត្រូវប្រើប្រាស់ថ្នាំអាស្ពីរីន ឬប្រភេទថ្នាំ Nonsteroidal Anti-inflammatory Drugs (NSAIDs)ឡើយ។ ប៉ុន្តែពពួកថ្នាំ Acetaminophen (ប៉ារ៉ាសេតាម៉ុល) អាចប្រើប្រាស់ម្តងម្កាល ដោយគ្មានបញ្ហាឡើយ
• ចូរចៀសវាងថ្នាំណាដែលសរសេរថា មានប្រសិទ្ធភាពរយៈពេលយូរ ឬខ្លាំង ព្រមទាំងប្រើថ្នាំផ្សំចូលគ្នាច្រើនដើម្បីព្យាបាលរោគសញ្ញាច្រើនចូលគ្នា៕