ហេតុផល៧យ៉ាង ដែលគួរចាប់ផ្តើមថ្ងៃថ្មីជាមួយទឹកក្រូចឆ្មា

ទោះបីជាមានការផ្លាស់ប្តូរតិចតួចបំផុតក្នុងទម្លាប់របស់អ្នករាល់ថ្ងៃក៏អាចមានឥទ្ធិពលយ៉ាងធំចំពោះសុខភាពបានដែរ។ ចូរចាប់ផ្តើមថ្ងៃថ្មីជាមួយនឹងទឹកក្រូចឆ្មាទៅ។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមនេះគឺជាហេតុផលមួយចំនួនដែលអ្នកគួរតែសម្របខ្លួនជាមួយទម្លាប់ញ៉ាំទឹកក្រូចឆ្មានៅព្រឹកឡើង៖

ជំនួយដល់ការរំលាយអាហារ

អាស៊ីតជួយរំលាយអាហារ។ ហេតុដូច្នេះហើយទើបវាមានច្រើនក្នុងក្រពះ។ អាស៊ីតក្នុងក្រូចឆ្មាប្រហែលជាមានប្រយោជន៍ជាពិសេសតែម្តងក្នុងការបង្កើនប្រសិទ្ធភាពរបស់អាស៊ីតក្រពះ វានឹងចុះខ្សោយពេលអាយុកាន់តែច្រើន។ 

ជួយឲ្យមានជាតិទឹកក្នុងខ្លួនគ្រប់គ្រាន់

មនុស្សយើងភាគច្រើនមិនបានញ៉ាំទឹកគ្រប់គ្រាន់តែ។ ទម្លាប់ញ៉ាំទឹកក្រូចឆ្មារាលថ្ងៃគឺជារឿងងាយស្រួលបំផុត។ តើធ្វើម៉េចដឹងថាអ្នកញ៉ាំទឹកគ្រប់គ្រាន់ទៅ? ករណីដែលអ្នកញ៉ាំទឹកបានគ្រប់ មានន័យថាទឹកនោមមានពណ៌ថ្លា។ 

ស្រកទម្ងន់ត្រឹមត្រូវ

ទម្លាប់ញ៉ាំទឹកក្រូចឆ្មារាល់ព្រឹកគឺជារឿងល្អចំពោះសុខភាពផង និងជួយសម្រកទម្ងន់បានយ៉ាងត្រឹមត្រូវផង។ ប្រហែលអ្នកអាចអនុវត្តវិធីនេះត្រឹមតែ ២០ដងក្នុងមួយខែ គឺគ្រប់គ្រាន់ហើយ។ 

បង្ការអុកស៊ីតកម្ម

ផ្លែក្រូចឆ្មាផ្ទុកទៅដោយសារធាតុ Phytonutrients ដែលអាចការពាររាងកាយពីជំងឺបាន។ សារធាតុមួយនេះមានសមត្ថភាពជាអង់ទីអុកស៊ីដង់ខ្លាំងក្លា ដែលអាចបង្ការការខូចខាតរបស់កោសិកាពីការធ្វើអុកស៊ីតកម្មបាន។ 

ផ្តល់វីតាមីន C

គ្រាន់តែក្រូចឆ្មាមួយចំហៀងលាយជាមួយទឹកបន្តិច អ្នកនឹងទទួលបាន ៦កាឡូរី។ ប៉ុន្តែបន្ថែមពីនេះទៅទៀត អ្នកនឹងទទួលបានវីតាមីន C រាល់ថ្ងៃដែលរាងកាយត្រូវការប្រចាំថ្ងៃក្នុងការការពារការខូចខាតរបស់កោសិកា និងជំនួយដល់ការជួសជុលកោសិកាដែលខូចខាតទៀត។ 

បង្កើនចំនួនប៉ូតាស្យូម

រាងកាយមិនអាចធ្វើការបានល្អឡើយបើសិនជាគ្មានប៉ូតាស្យូម។ វាគឺជារឿងសំខាន់ណាស់ដែលត្រូវមានទំនាក់ទំនងរបស់រវាងសាច់ដុំនិងសរសៃប្រសាទ ការដឹកជញ្ជូនជីវជាតិ និងកាកសំណល់ ព្រមទាំងសម្រួលដល់សម្ពាធឈាម។ ផ្លែឈើ និងបន្លែគឺជាប្រភពដ៏សំខាន់មួយនៃជាតិប៉ូតាស្យូមនេះហើយ។ (អាន:ថ្នាំងងុយគេង ពេលអ្នកគួរប្រើ)

ជួយបង្ការគ្រួសក្នុងតម្រងនោម

ទឹកក្រូចឆ្មាជួយបង្ការគ្រួសក្នុងតម្រងនោមដែលវាកើតឡើងចំពោះអ្នកកង្វះជាតិ Citrate តែម្តង។ អ្វីដែលកាន់តែសំខាន់នោះគឺថា ការបង្កើនជាតីទឹកនឹងជួយបង្ការការខ្សោះជាតិទឹក ដែលជាហេតុនាំឲ្យកើតគ្រួសក្នុងតម្រងនោមបាន៕