Join with Health.com.kh on Telegram

សម្រាប់ស្រ្តីភាគច្រើន ការឈឺសុដន់គឺជារឿងបារម្ភសម្រាប់ពួកគាត់ហើយ។ អ្នកមិនចាំបាច់រំពឹងថាមានការឈឺចាប់នៅកន្លែងហ្នឹងទេ។ ដូច្នេះនៅពេលវាកើតឡើងហើយ អ្នកនឹងសួរខ្លួនឯងថាតើវាមកពីមូលហេតុអ្វី។ ការឈឺចាប់គឺជារឿងកើតមានជាញឹកញាប់។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តាមពិតទៅ ស្រ្តីប្រហែល ៣០ភាគរយនឹងមានបញ្ហាឈឺសុដន់ក្នុងជីវិត។ ករណីភាគច្រើន មូលហេតុអាចដោយសារតែការឡើងចុះរបស់អ័រម៉ូន ឬអ្វីដែលគួរឲ្យភ្ញាក់ផ្អើលនោះគឺ ការញ៉ាំកាហ្វេ ឬជាតិកាហ្វេអ៊ីនដែលអ្នកញ៉ាំពីភេសជ្ជៈក៏អាចធ្វើឲ្យឈឺសុដន់បានដែរ។ 

តើការឈឺចាប់ស្ថិតនៅសុដន់តែម្ខាងមែនទេ?

នេះគឺជាសំណួរដ៏សំខាន់។ ឧទាហរណ៍ តើអ្នកឈឺចាប់ក្នុងសុដន់តែទាំងសងខាងមេនទេ? តើវាឈឺខ្លាំងមុនពេលមករដូវមែនទេ? បើសិនចម្លើយសុទ្ធតែមែននោះ អ្នកប្រហែលជាមានការឈឺចាប់ដោយសារតែការមករដូវហើយ។ នេះគឺជារឿងកើតមានជាញឹកញាប់សម្រាប់ស្រ្តីត្រៀមមករដូវដែរ។ ការឈឺចាប់នេះច្រើនតែស្រួលបួលមកវិញនៅពេលចាប់ផ្តើមមករដូវ។ 

សម្រាប់ការឈឺចាប់នៅសុដន់ទាំងសងខាងមិនទំនងជាអាការៈមួយនៃជំងឺមហារីកឡើយ។ បើសិនជាអ្នកបារម្ភច្រើន ចូរឲ្យគ្រូពេទ្យធ្វើការពិនិត្យបន្ថែមទៅ។ គ្រូពេទ្យនឹងកំណត់ថាតើអ្នកត្រូវការថតពិនិត្យអ្វីបន្ថែមទៀតឬអត់។ ប៉ុន្តែបើសិនជាការឈឺចាប់ស្ថិតនៅសុដន់តែម្ខាងទេ ជាពិសេសនៅកន្លែងពិសេសណាមួយនៃសុដន់ម្ខាង ចូរកុំពន្យាពេលក្នុងការឲ្យពេទ្យពិនិត្យអី។ ការឈឺចាប់ប្រភេទនេះទំនងជាអាការៈមួយនៃជំងឺមហារីកច្រើនជាងការឈឺចាប់លើសុដន់ទាំងសងខាង។ បើសិនជាការឈឺចាប់អ្នកជាប់ទាក់ទងនឹងដុំក្នុងសុន់ ឬឃើញមានការប្រែប្រួលើស្បែក ឬក្បាលសុដន់ វាពិតជារឿងដែលគួរឲ្យបារម្ភដែរ។ រឿងទាំងនេះកើតឡើងលើស្រ្តីមួយចំនួនតូចទេ ប៉ុន្តែបើសិណជាអ្នកអាយុចាប់ពី ៣០ឆ្នាំឡើងទៅ វាពិតជារឿងសំខាន់ដែលត្រូវយកទៅពិភាក្សាជាមួយគ្រូពេទ្យ។ 

តើអ្នកអាចធ្វើអ្វីបានបើសិនជាសុដន់កំពុងតែឈឺអ៊ីចឹង?

ភាគច្រើន ការឈឺសុដន់មិនមែនជារឿងធ្ងន់ធ្ងរដែលត្រូវការប្រើថ្នាំឡើយ។ បើសិនជាតេស្តរោគវិនិច្ឆ័យដូចជា ការថតអេកូគឺជារឿងធម្មតា វាច្រើនតែគ្មានអ្វីដែលត្រូវធ្វើទៀតទេ។ យើងច្រើនតែណែនាំឲ្យប្រើវិធីព្យាបាលដោយមិនវះកាត់អ្វីទាំងអស់ដូចជា កាត់បន្ថយការញ៉ាំជាតិកាហ្វេអ៊ីន ដើម្បីមើលថាអាចស្រួលបួលមកវិញដែរឬអត់។ 

សម្រាប់ថ្នាំលាបបំបាត់ឈឺវិញក៏អាចមានប្រយោជន៍ដែរ។ ឧទាហរណ៍ ថ្នាំលាបប្រភេទ NSAID ឈ្មោះថា Diclofenac អាចផ្តល់នូវការបំបាត់ឈឺបាន ហើយក៏មិនមានបញ្ហាច្រើនដូចថ្នាំលេបដែរ។ អ្វីដែលកម្របំផុតនោះគឺថា គ្រូពេទ្យនឹងចេញជាថ្នាំ Tamoxifen សម្រាប់ការឈឺសុដន់បែបនេះ។ ថ្នាំ Tamoxifen គឺជាប្រភេទថ្នាំប្រឆាំងអ័រម៉ូនអេស្រ្តូជែនដែលប្រើដើម្បីបង្ការ និងព្យាបាលជំងឺមហារីកសុដន់ ហើយការសិក្សាបានបង្ហាញថា វាមានប្រសិទ្ធភាពបន្ថយការឈឺចាប់សុដន់។ ប៉ុន្តែវាមានផលរំខានច្រើនដូចជា ក្តៅពេញខ្លួន និងមានកំណកឈាមតូចៗច្រើន។ (អាន:ថ្នាំងងុយគេង ពេលអ្នកគួរប្រើ)

សម្រាប់ស្រ្តីភាគច្រើន ការឈឺសុដន់គឺជាការបារម្ភញឹកញាប់សម្រាប់ពួកគេ ហើយភាគច្រើនគឺមិនបារម្ភអំពីមហារីកទេ ប៉ុន្តែនៅពេលអ្នកឈឺមែន ចូរកុំអៀនខ្មាស់លើការឲ្យគ្រូពេទ្យពិនិត្យរកមូលហេតុអី៕