Join with Health.com.kh on Telegram

ក្រៅពីងាយរក ហើយមានតម្លៃសមរម្យនិងរសជាតិឆ្ងាញ់ ត្រសក់ថែមទាំងអាចផ្ដល់ផលល្អៗជាច្រើនចំពោះសុខភាព រួមទាំងសម្រសទៀតផង! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) កំពុងបារម្ភអំពីបញ្ហាស្បែកជ្រីវជ្រួញមែនទេ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីវិធីងាយៗប្រើប្រាស់ត្រសក់ទប់ស្កាត់ភាពជ្រីវជ្រួញនៃស្បែក ៖

១. រូបមន្តទី ១

អ្វីដែលអ្នកត្រូវធ្វើ គឺចិតសំបកត្រសក់ធំ ១ ផ្លែ រួចកិនត្រសក់ឱ្យម៉ដ្ឋ បន្ទាប់មកដាក់ក្នុងស្បៃស្អាតពូតយកទឹកត្រសក់ឱ្យបានច្រើនតាមដែលអាចធ្វើទៅបាន។ បន្ទាប់មកប្រើប្រាស់ដុំសំឡីជ្រលក់ក្នុងទឹកត្រសក់ រួចផ្ដិតៗលើផ្ទៃមុខ។ ទុកចោលសម្រាប់រយៈពេល ៣០ នាទី សឹមលាងសម្អាតចេញ។

២. រូបមន្តទី ២

អ្វីដែលអ្នកត្រូវធ្វើ គឺគ្រាន់តែចិតសំបកត្រសក់ចេញ រួចហាន់ត្រសក់ជាបន្ទះៗ។ បន្ទាប់មកលាបទឹកឃ្មុំបន្តិចលើតំបន់ស្បែកដែលមានស្នាមជ្រីវជ្រួញ រួចបិតបន្ទះត្រសក់ពីលើ។ ទុកចោលសម្រាប់រយៈពេលយ៉ាងហោចណាស់ ១៥ ទៅ ២០ នាទី សឹមយកត្រសក់ចេញ និងលាងសម្អាតមុខ។

សម្គាល់ ៖ ដើម្បីទទួលបានលទ្ធផលកាន់តែប្រសើរ ព្យាយាមអនុវត្តឱ្យបានច្រើនដងក្នុងមួយសប្តាហ៍ជាប្រចាំ៕