Join with Health.com.kh on Telegram

រាងកាយរបស់មនុស្សស្រីនឹងប្រែប្រួលច្រើនណាស់ក្នុងពេលមានផ្ទៃពោះ ពេលសម្រាលកូន ព្រមទាំងក្រោយពេលទារកកើតរួច។ បញ្ហាញឹកញាប់បំផុតដែលពួកគេប្រឈមមុខគឺការធាត់តែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ស្រ្តីច្រើនតែឡើងទម្ងន់នៅពេលពួកគេមានផ្ទៃពោះ ជាពិសេសដោយសារតែពួកគេមិនផ្តោតសំខាន់លើអាហារសម្រាប់សម្រកទម្ងន់ទៀត តែជ្រើសរើសអាហារដែលមានជីវជាតិ និងផ្តល់សុខភាពសម្រាប់ទារកក្នុងផ្ទៃ។ 

ការសម្រាលកូនដោយវះកាត់កំពុងតែមានភាពពេញនិយមខ្លាំងមួយសម្រាប់ស្រ្តីមានផ្ទៃពោះនាពេលបច្ចុប្បន្ននេះ។ យ៉ាងណាមិញ ការសម្រាលកូនបែបនេះត្រូវបានគេធ្វើបានលុះត្រាតែការសម្រាលកូនដោយធម្មជាតិនឹងបង្កជាការគ្រោះថ្នាក់ដល់ម្តាយ និងទារក។ ការសម្រកទម្ងន់ក្រោយសម្រាលកូនដោយវះកាត់រួចមិនមែនជារឿងខុសគ្នានឹងការសម្រកទម្ងន់ក្រោយសម្រាលកូនបែបធម្មជាតិទេ។ ខាងក្រោមនេះគឺជាអាហារដែលអញនកគួរតែញ៉ាំ និងចៀសវាងបើសិនជាចង់សម្រកទម្ងន់មែន៖

អាហារគួរញ៉ាំ

បន្លែ និងផ្លែឈើ

ផ្លែឈើអាចផ្តល់ជាតិផ្អែមបែបធម្មជាតិ ដែលជំរុញដល់ការចូលចិត្តខាងជាតិផ្អែម។ អ្នកអាចញ៉ាំផ្លែឈើផ្អែមសម្រាប់ជាបង្អែមបានបើសិនជាអ្នកចង់ញ៉ាំអ្វីផ្អែមៗ។ ផ្លែឈើក៏អាចជាអាហារសម្រន់ដ៏ល្អដែរ។ បន្លែ និងផ្លែឈើក៏សម្បូរទៅដោយជីវជាតិ និងជាតិសរសៃដែលនឹងជួយធ្វើឲ្យឆាប់ឆ្អែត ព្រមទាំងសម្រកទម្ងន់ផង។ 

គ្រាប់ធញ្ញជាតិ និងគ្រាប់ផ្លែឈើ

គ្រាប់ធញ្ញជាតិ និងផ្លែឈើសម្បូរទៅដោយជីវជាតិខ្លាំង ហើយអាចជួយឲ្យរាងកាយជាទៀតក្រោយពីវះកាត់រួច។ វាសម្បូរទៅដោយជាតិសរសៃ ដែលធ្វើឲ្យស្រកទម្ងន់បានសមស្របទៀត។ គ្រាប់ផ្លែឈើអាចញ៉ាំជាមួយនឹងផ្លែឈើដើម្បីទទួលបានជាតិសរសៃកាន់តែច្រើនទៀត។

អាហារគួរចៀសវាង

អាហារមិនផ្តល់សុខភាព

អាហារបែបនេះចង់សម្តៅទៅលើអាហារចៀនមានខ្លាញ់ច្រើន អាហារធ្វើពីស្ករកៃឆ្នៃ ឬប្រេងមិនផ្តល់សុខភាព ដែលអ្នកគួរតែចៀសវាងទទួលទានបើសិនជាកំពុងតែចង់សម្រកទម្ងន់ក្រោយសម្រាលកូនរួច។ អាហារបែបនេះមិនគ្រាន់តែធ្វើឲ្យធាត់ទេ តែក៏ផ្ទុកទៅដោយកាឡូរីសូន្យទៀត។ កាឡូរីសូន្យនេះគឺមិនមានផ្តល់ជីវជាតិអ្វីដល់រាងកាយឡើយ។(អាន:ថ្នាំងងុយគេង ពេលអ្នកគួរប្រើ)

អាហារកៃឆ្នៃ

អាហារកៃឆ្នៃដូចជា នំស្រួយ ឬនំបីស្គុត គួរតែចៀសវាងនៅពេលអ្នកចង់សម្រកទម្ងន់។ ការញ៉ាំអាហារកៃឆ្នៃច្រើនត្រូវបានគេដឹងថាធ្វើឲ្យធាត់ផង និងប្រឈមខ្ពស់នឹងជំងឺផ្សេងៗទៀត៕