ជំងឺផ្តាសាយគឺជាជំងឺមួយប្រភេទដែលកើតឡើងញឹកញាប់បំផុតចំពោះប្រជាជនទូទាំងពិភពលោក។ ជំងឺនេះអាចជាអាការៈមួយនៃការបង្ករោគធ្ងន់ធ្ងរជាងនេះ ប៉ុន្តែភាគច្រើនបង្កឡើងដោយវីរុសច្រើនប្រភេទដែរ។ អាការៈនៃជំងឺផ្តាសាយរួមមាន តឹងច្រមុះ ឬហៀរសម្បោរ ឈឺបំពង់ករ ពិបាកដកដង្ហើម។ល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជំងឺផ្តាសាយមិនមែនជាជំងឺធ្ងន់ធ្ងរទេ ហើយអាចព្យាបាលដោយខ្លួនឯងនៅផ្ទះបានទៀត។ ប៉ុន្តែវាជាជំងឺដែលឆ្លងខ្លាំង ហើយមនុស្សយើងក៏ត្រូវមានការប្រុងប្រយ័ត្នខ្ពស់ដើម្បីការពារខ្លួនពីជំងឺនេះដែរ។
តើវីរុសចូលក្នុងខ្លួនយើងយ៉ាងដូចម្តេច?
ដំណើរការណ៍ទាំងអស់ចាប់ផ្តើមនៅពេលដែលវីរុសធ្វើការវាយប្រហារទៅលើរាងកាយ។ អ្នកអាចឆ្លងវីរុសនេះពីគ្រប់កន្លែងទាំងអស់ តាំងពីគន្លឹះទ្វារបើកចេញចូល ដំណកទឹកដង្ហើមដោយការកណ្តាស ឬក្អក របស់អ្នកជំងឺជាដើម។ នៅពេលវីរុសចូលទៅក្នុងច្រមុះ វានឹងទៅតោងកោសិកា បន្ទាប់មកវានឹងយកកោសិកានោះធ្វើការបង្ករោគ។ ម៉្យាងវិញទៀត នៅពេលវីរុសលូតលាស់ក្នុងច្រមុះ រាងកាយ នឹងត្រៀមខ្លួនដើម្បីប្រឆាំង និងសម្លាប់វា។
តើអ្វីទៅជាការឆ្លើយតបប្រព័ន្ធភាពស៊ាំដំបូងគេរបស់រាងកាយ?
សារធាតុ Cytokines គឺជាភ្នាក់ងាររបស់ប្រព័ន្ធភាពស៊ាំដំបូងគេ។ នៅពេលរាងកាយរកឃើញថាមានរបស់មកពីខាងក្រៅ ឬមេរោគមានគ្រោះថ្នាក់ចូលក្នុងខ្លួន កោសិកាជាច្រើននឹងបញ្ចេញសារធាតុ Cytokines នេះដើម្បីបញ្ចូនសារទៅកោសិកាគ្រាប់ឈាមក្រហម សរសៃឈាម និងខួរក្បាល ដែលផ្តោតសំខាន់ទៅឡើការបញ្ចេញ និងសម្លាប់វីរុសភ្លាមៗ។
តើប្រព័ន្ធភាពស៊ាំធ្វើការប្រឆាំងនឹងការបង្ករោគដូចម្តេចទៅ?
ក្រោយពេលសកម្មភាពរបស់វីរុសត្រូវបានរាយការណ៍ទៅសរសៃឈាម ខួរក្បាល និងកោសិកាគ្រាប់ឈាមសហើយ ការងាររបស់សរីរាង្គទាំងអស់នេះគឺផ្តោតសំខាន់តែលើរបៀបដោះស្រាយដោយធ្វើយ៉ាងណាសម្លាប់វីរុសនេះចេញពីរាងកាយ។ ជាលទ្ធផល សរសៃឈាមនៅជុំវិញកន្លែងមានការបង្ករោគនឹងចាប់ផ្តើមរីកធំ។ រឿងនេះនឹងផ្តល់ជាមធ្យោបាយមួយសម្រាប់អនុញ្ញាតិឲ្យកោសិកាគ្រាប់ឈាមសកាន់តែច្រើនទៅដល់កន្លែងបង្ករោគ ហើយប្រឆាំងនឹងវីរុស។
បើសិនជាអ្នកមានអារម្មណ៍ថារលាក ក្រហម ហើមក្នុងច្រមុះ បំពង់ករ។ល។ ឬឈឺចាប់នោះ គឺមកពីសរសៃឈាមរីកធំ និងកោសិកាគ្រាប់ឈាមសកំពុងតែប្រឆាំង និងសម្លាប់មេរោគហើយ។ កោសិកាគ្រាប់ឈាមសនឹងធ្វើឲ្យកន្លែងមានការបង្ករោគនោះពុំឲ្យមានផាសុកភាពសម្រាប់វីរុសរស់នៅឡើយ។ វាក៏នឹងបង្កើតជាអង់ទីគ័រសម្រាប់សម្លាប់វីរុស និងព្យាយាមសម្លាប់វាឲ្យអស់តែម្តងដែរ។
ការជាសះស្បើយ
នៅពេលអ្នកចាប់ផ្តើមហៀរសម្បោរ វាប្រហែលជាអាការៈមួយដែលនិយាយថា ការបង្ករោគដោយវីរុសត្រូវបានយកចិត្តទុកដាក់ដោយប្រព័ន្ធភាពស៊ាំ ហើយនេះគឺជាដំណាក់កាលចុងក្រោយដែរ។ ក្នុងពេលជាសះស្បើយ រាងកាយនឹងព្យាយាមសម្អាតខ្លួនឯងពីកោសិកាគ្រាប់ឈាម វិរុស និងទឹកជាច្រើនក្នុងរាងកាយ។ អ្នកក៏ប្រហែលជាមើលឃើញមានស្លេស្មពណ៌ខៀវ ឬលឿងនៅពេលដែលជំងឺផ្តាសាយស្ថិតក្នុងខ្លួនរយៈពេលយូរ។(អាន:ថ្នាំងងុយគេង ពេលអ្នកគួរប្រើ) ពណ៌បែបនេះកើតឡើងដោយសារតែប្រូតេអ៊ីនដែលត្រូវបានផលិតចេញពីកោសិកាគ្រាប់ឈាមសដើម្បីប្រឆាំងនឹងវីរុសឯង៕