ប្រសិនជាអ្នកមានចរិតទាំងឡាយខាងក្រោមនេះ អ្នកគួរតែកែចេញ ព្រោះអាចធ្វើឲ្យអ្នកមិនអាចរស់នៅជាមួយគ្នាបានយូរឡើយ។ តើមានអ្វីខ្លះទៅ?

1. មុខពេលដែលអ្នកសម្រេចចិត្តរៀបការ អ្នកគួរតែសួរខ្លួនអ្នកថា តើអ្នកអាចរ៉ាប់រងគ្រួសារមួយដែលថ្មីជារបស់អ្នកហើយឬនៅ ព្រោះក្រោយពេលដែលរស់នៅជាមួយគ្នា បញ្ហានឹងអាចកើតឡើង មិនថាអ្នកល្អនឹងគ្នា ឬស្រឡាញ់គ្នាខ្លាំងយ៉ាងណាឡើយ។ នៅពេលដែលមានបញ្ហា បើអ្នកគិតថាទុកឲ្យប៉ាម៉ាក់អ្នកមកដោះស្រាយ នោះគ្រួសាររបស់អ្នកនឹងចប់ ព្រោះរឿងកើតឡើងរវាងពីរនាក់តែប៉ុណ្ណោះ។ ដូចនេះ បើមានជនទី៣ចូលមក បញ្ហានឹងធំទៅៗ គ្មានថ្ងៃដោះស្រាយបានឡើយ។

2. បើអ្នកសម្រេចចិត្តថារៀបការ អ្នកគួរតែរក្សាអារម្មណ៍ឲ្យសប្បាយច្រើនជាងកើតទុក្ខ និងគិតច្រើន ព្រោះនៅពេលដែលចិត្តអ្នកស្ងប់ អ្នកនឹងអាចទទួលបានសុភមង្គលពិត។ ផ្ទុយទៅវិញ បើចិត្តអ្នកតែងតែច្របូកច្របល់ នោះអ្នកគ្មានថ្ងៃរស់នៅបានសុខឡើយ។

3. ប្រសិនជាអ្នកមានគំនិតមួយថា អ្នកអាចរស់នៅបានដូចព្រះនាងក្រោយពេលដែលរៀបការរួច អ្នកគួរតែកែចោល ព្រោះបើអ្នកក្លាយជាប្រពន្ធគេហើយ អ្នកគឺត្រូវតែមើលថែទាំគ្រួសារទាំងមូល មិនអាចមានជីវិតដែលអ្នកតែងស្រម៉ៃឡើយ។

4. ក្រោយពេលដែលអ្នកចាប់ផ្តើមកសាងគ្រួសារថ្មីមួយ អ្នកគួរតែបំបាត់ចរិតប្រកាន់ច្រើន និងទើសច្រើនចេញ ព្រោះចរិតមួយនេះ មិនអាចធ្វើឲ្យអ្នកអាចក្លាយជានារីដែលមានសុភមង្គលឡើយ មានតែបំផ្លាញអ្នកតែប៉ុណ្ណោះ។

5. ការសន្សំសំចៃជ្រុល អាចធ្វើឲ្យអ្នកមានលុយ ប៉ុន្តែមិនមានសុភមង្គលឡើយ ព្រោះអ្នកមានអ្វីទាំងអស់ តែអ្នកមិនហ៊ានចាយទៅវិញ។ ដូចនេះ អ្នកមិនគួរប្រកាន់ចរិតមួយដែលសន្សំខ្លាំងនោះទេ ទើបអ្នកអាចរស់នៅបានយ៉ាងសប្បាយរីករាយ។ បើអ្នកមានចរិតទាំង៥ខាងលើនេះ អ្នកគួរតែកែចេញ ដើម្បីអាចរក្សាគ្រួសារអ្នកឲ្យដើរជាមួយគ្នាបានយូរអង្វែង៕