ថ្លើមរបស់មនុស្សយើងច្រើនតែធ្វើការលើសម៉ោងជានិច្ច ជាពិសេសនៅពេលរាងកាយត្រូវការច្រោះជាតិពុលដែលកំពុងតែកើនឡើងក្នុងខ្លួនយើង ចាប់ពីក្នុងអាហារដែលយើងញ៉ាំរហូតដល់កត្តាមជ្ឈដ្ឋានជុំវិញខ្លួន។ ជាអកុសល្យ ថ្លើមអាចនឹងរងការប៉ះពាលច្រើន ឬមិនមានសុខភាពល្អដោយសារតែរបៀបរស់នៅរបស់មនុស្សយើងមិនត្រឹមត្រូវ ហើយពេលខ្លះអាចនឹងពិបាក និងមិនស្រួលក្នុងខ្លួនផង។ យ៉ាងណាមិញ បើសិនជាអ្នកចង់ឲ្យមានអារម្មណ៍ល្អឡើងវិញ ហើយមានកម្លាំងនោះ យកល្អគួរតែកុំឲ្យថ្លើមធ្វើការច្រើនពេក ឬអាចនិយាយបានថា ប្រើវិធីសម្អាតសុខភាពថ្លើមខ្លះទៅ។ តើគួរធ្វើដូចម្តេចទៅ?
ញ៉ាំខ្ទឹមស
យើងពិតជាមិនគួរណាមើលអ្វីឆ្ងាយឡើយ ដោយសារតែខ្ទឹមសដែលមានក្នុងផ្ទះបាយ ពិតជាអាចជួយអ្នកសម្អាតថ្លើមបាន។ អ្វីដែលល្អបំផុតចំពោះខ្ទឹមសនោះគឺថា វាផ្ទុកទៅដោយវីតាមីន និងជាតិរ៉ែដែលអាចភ្ញោចដល់អង់ស៊ីមជាច្រើនក្នុងខ្លួន អាចសម្អាតជាតិពុលក្នុងរាងកាយបាន។ វាក៏ផ្ទុកទៅដោយសារធាតុ Allicin និង Selenium ដែលត្រូវបានគេដឹងថា ជួយបង្កើនសុខភាពរបស់ថ្លើម។ ចូរព្យាយាមញ៉ាំខ្ទឹមសយ៉ាងហោចណាស់មួយកំប៉ឹស ឬប្រើវាសម្រាប់ធ្វើម្ហូប ដើម្បីចាប់ផ្តើមច្រោះជាតិពុលក្នុងថ្លើមកាន់តែលឿន។
លុបបំបាត់អាហារមានជាតិពុល
យើងទាំងអស់គ្នាសុទ្ធតែមានកំហុសចំពោះខ្លួនឯងហើយក្នុងការញ៉ាំអាហារកៃឆ្នៃច្រើនពេក។ យើងប្រហែលជានិយាយថា យើងមិនមានពេលវេលាគ្រប់គ្រាន់ដើម្បីធ្វើម្ហូបដោយខ្លួនឯង ប៉ុន្តែរឿងនេះអាចដោយសារតែខ្ជិលច្រើនជាង។ ជាអកុសល្យ រឿងនេះហើយគឺជាដើមហេតុដ៏ធំមួយនាំឲ្យមានជាតិពុលចាលច្រើនក្នុងខ្លួន ហើយក៏អាចនាំឲ្យអ្នកមានបញ្ហាសល់សុខភាពច្រើនបើសិនជាមិនព្រមផ្លាស់ប្តូរយករបបអាហារផ្តល់សុខភាពល្អជាងនេះនាពេលឆាប់ៗទេ។
បន្ថែមក្រូចឆ្មា
បើសិនជាអ្នកចង់ច្រោះជាតិពុលពីក្នុងរាងកាយ អ្នកគួរតែបន្ថែមផ្លែឈើជូរៗដូចជា ក្រូចឆ្មាក្នុងរបបអាហារបន្ថែំ ដោយសារតែវាជាប្រភពដ៏ល្អបំផុតនៃវីតាមីន C។ ដើម្បីឲ្យថ្លើមធ្វើការកាន់តែល្អ គឺតម្រូវឲ្យថ្លើមញ៉ាំទឹកជាមួយនឹងទឹកក្រូចឆ្មា នោះ ការសម្អាតថ្លើមនឹងចាប់ផ្តើម ដោយសារតែទឹកក្រូចឆ្មាអាចសំយោគជាតិពុលក្នុងរាងកាយចោលអស់ ហើយក៏បញ្ចេញតាមទឹកនោម។
ញ៉ាំអាហារសម្បូរជាតិប៉ូតាស្យូម
យើងទាំងអស់គ្នាសុទ្ធតែត្រូវការជាតិប៉ូតាស្យូមប្រមាណ ៤៧០០មីលីក្រាមជារៀងរាល់ថ្ងៃ។ បញ្ហានោះគឺថា របបអាហារដែលយើងញ៉ាំរាល់ថ្ងៃ ប្រហែលជាមិនអាចផ្តល់គ្រប់គ្រាន់ឡើយ ដែលវាជាហេតុនាំឲ្យប្រឈមនឹងបញ្ហាលើសសម្ពាធឈាម និងកូឡេស្តេរ៉ុលក្នុងឈាម។ ហើយវាក៏ជាហេតុផលមួយដែលថ្លើមធ្វើការមិនបានល្អដែរ ដោយសារតែវាមិនបានទទួលនូវជីវជាតិដែលត្រូការ។ ដើម្បីទទួលបានប៉ូតាស្យូមគ្រប់គ្រាន់ យកល្អគួរតែព្យាយាមញ៉ាំផ្លែចេក ដំឡូងជ្វា សណ្តែក និងស្ពៃស្ពីណាច។
បន្លែគឺជារឿងសំខាន់
គន្លឹះមួយផ្សេងទៀតដើម្បីអាចសម្អាតថ្លើមបាន គឺបន្ថែមបន្លែឲ្យច្រើនចូលទៅក្នុងរបបអាហារអ្នក ដោយសារតែវានឹងជួយភ្ញោចដល់អង់ស៊ីមរបស់ថ្លើមដើម្បីរំលាយអាហារដែលអ្នកបានញ៉ាំ និងបញ្ចេញជាតិពុលចោលទៀត។ បន្លែប្រភេទប្រូខូលី ព្រមទាំងផ្កាខាត់ណាពណ៌បៃតងគឺជាប្រភពបន្លៃដ៏ល្អបំផុត ដែលអ្នកអាចប្រើដើម្បីទទួលទាន និងសម្អាតថ្លើមបាន៕