Join with Health.com.kh on Telegram

ខាងក្រោមនេះ យើងខ្ញុំនឹងបង្ហាញអ្នកពីអ្វីដែលអ្នកគួរតែប្រយ័ត្នក្នុងការមានផ្ទៃពោះក្នុងរយៈពេល៩ខែនេះ។ តើមានអ្វីខ្លះទៅ?

1. ក្នុងខែទី១នេះ អ្នកគួរតែចៀសពីកន្លែងដែលមានសីតុណ្ហភាពខ្ពស់ ដោយមិនគួរត្រាំក្នុងអាងទឹកក្តៅឡើយ។ ជាពិសេស អ្នកគួរតែចៀសពីការក្តៅខ្លួន ព្រោះអាចប៉ះពាល់ដល់ប្រព័ន្ធសរសៃប្រាសាទរបស់ទារកក្នុងផ្ទៃបាន។

2. ក្នុងខែទី២ អ្នកម្តាយគួរតែប្រយ័ត្នពេលដែលត្រូវញ៉ាំថ្នាំផ្សះ ព្រោះអាចប៉ះពាល់ដល់ទារកក្នុងផ្ទៃបាន ដោយធ្វើឲ្យកូនលូតលាស់មិនគ្រប់ជ្រុងជ្រោយឡើយ។ ជាពិសេស បេះដូងកូនក៏អាចប៉ះពាល់ខ្លាំងផងដែរ។

3. ក្នុងខែទី៣ បេះដូងកូននឹងចាប់ផ្តើមលោត ដោយអាចធ្វើឲ្យអ្នកចង់ក្អួតបាន។ ដូចនេះ អ្នកគួរតែញ៉ាំបន្លែ និងផ្លែឈើច្រើន ហើយចៀសពីការជក់បារី ញ៉ាំស្រា ពិសារអាហារខ្លាញ់ និងមានជាតិស្ករខ្ពស់ជាដើម។

4. ក្នុងខែទី៤ ទារកក្នុងផ្ទៃ នឹងអាចលឺសម្លេងបេះដូងរបស់ម្តាយ និងសម្លេងនៃពិភពក្រៅ។ ដូចនេះ អ្នកអាចឲ្យកូនស្តាប់ចម្រៀងស្រទន់បាន ដោយអ្នកអាចចាប់ផ្តើមអប់រំគេបណ្តើរៗហើយ។

5. ក្នុងខែទី៥ កូននឹងចាប់ផ្តើមមានចលនា ដោយចាប់ផ្តើមដុះសក់។ ដូចនេះ អ្នកម្តាយគួរតែតម្រើងអាហារក្នុងការញ៉ាំ ដើម្បីឲ្យទារកក្នុងផ្ទៃលូតលាស់បានល្អ។ ប៉ុន្តែបើអ្នកខ្លាចធាត់ អ្នកអាចពិគ្រោះជាមួយគ្រូពេទ្យបាន។

6. ក្នុងខែទី៦ ទម្រង់មុខរបស់កូនចាប់ផ្តើមផ្គុំចេញជារាងហើយ ថែមទាំងអាចប្រតិកម្មជាមួយសម្លេងនៅក្រៅទៀតផង។ ដូចនេះ អ្នកគួរតែបន្តស្តាប់ចម្រៀង ដើម្បីអប់រំកូនឲ្យក្លាយជាក្មេងពូកែម្នាក់។

7. ក្នុងខែទី៧ ទារកក្នុងផ្ទៃអាចបើកភ្នែកក្នុងរយៈពេលខ្លីបាន ដោយកាន់តែមានចលនាច្រើនជាងមុន។ ដូចនេះ អ្នកគួរតែបន្ធូរអារម្មណ៍ខ្លះ ដោយកុំតានតឹងឲ្យសោះ ទើបមិនប៉ះពាល់ដល់កូនក្នុងផ្ទៃ។

8. ក្នុងខែទី៨ ខួរក្បាលកូនកំពុងលូតលាស់យ៉ាងលឿន។ ដូចនេះ អ្នកមិនគួរហាត់ប្រាណដោយធ្វើចលានធ្ងន់ៗឡើយ ព្រោះអាចធ្វើឲ្យប៉ះពាល់ដល់ខួរក្បាលរបស់កូនបានយ៉ាងងាយ។

9. ក្នុងខែទី៩ ដែលជាខែចុងក្រោយ អ្នកម្តាយគួរតែរក្សាចិត្តឲ្យស្ងប់ និងមានចិត្តអំណត់ មិនអន្ទះសារ ទើបអាចសម្រាលកូនបានជោគជ័យ មិនកើតមានគ្រោះថ្នាក់ផ្សេងៗបាន។ ដូចនេះ អ្នកគួរតែក្តាប់ឲ្យជាប់រយៈពេល៩ខែនេះ ទើបអាចធានាបានទាំងសុខភាពកូន និងម្តាយ៕

ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង