និស្សិតបញ្ចប់ការសិក្សាដ៏មានសមត្ថភាពម្នាក់ទទួលបានឱកាសចាប់ផ្តើមដើមឈោង ចាប់អាជីពការងារក្នុងក្តីសុបិន្តរបស់នាង តាមរយៈការស្លៀកពាក់តុបតែជារូបចម្លាក់ “Fearless Girl” និងឈរជាច្រើនម៉ោងនៅខាងក្រៅការិយាល័យរបស់ទីភ្នាក់ងារ ផ្សាយពាណិជ្ជកម្មមួយ។
នាង ជេត ដេឡានី (Jade Delaney) វ័យ ២៣ ឆ្នាំទទួលបានការកោតសរសើរយ៉ាងខ្លាំង ដែលមានគំនិតច្នៃប្រឌិតខ្ពស់មិនធ្លាប់មាននៅក្នុងការដាក់ពាក្យចូលបម្រើការងារតាមរយៈការប្រែកាយទៅជារូបចម្លាក់ជានិមិត្តរូប ប្រចាំនៅសង្កាត់ Wall Street ក្រុងញូវយ៉ក សហរដ្ឋអាមេរិក មុនពេលនាងទៅឈរធ្វើរូបចម្លាក់នៅខាងក្រៅការិយាល័យក្រុមហ៊ុន McCann Bristol។
មេៗនៅក្រុមហ៊ុនខាងលើមានការចាប់អារម្មណ៦ និងស្ញប់ស្ញែងចំពោះនាងយ៉ាងខ្លាំង ហើយក៏សម្រេចចិត្តផ្តល់ឱកាសផ្តល់ការងារសាកល្បងរយៈពេលមួយខែដល់នាង ដែលកំពុងសម្លឹងចាប់យកឱកាសការងារពេញម៉ោង។
សូមបញ្ជាក់ថា កញ្ញា ជេត ដេឡានី បានសិក្សាផ្នែកផ្សព្វផ្សាយពាណិជ្ជកម្មនៅ សកលវិទ្យាល័យ University of Gloucesterបន្ទាប់ពីបញ្ចប់វគ្គសិក្សាមួយផ្នែករចនា បែបសិល្បៈ (Art Design) និងប្រព័ន្ធផ្សព្វផ្សាយចម្រុះ (Mixed Media) នៅសាលា Bristol School of Art។
ប៉ុន្តែនារីវ័យក្មេង ដែលបច្ចុប្បន្នកំពុងបម្រើការងារផ្នែកលក់រាយរូបនេះពិបាកឈោងចាប់អាជីព ការងារផ្នែកផ្សព្វផ្សាយយ៉ាងខ្លាំង បន្ទាប់ពីបានបញ្ចប់ការសិក្សាពីសកលវិទ្យាល័យទើបបានជានាងធ្វើដូច្នេះ៕
ប្រភព៖ rasmeinews.com