ខាងក្រោមនេះ យើងខ្ញុំនឹងបង្ហាញអ្នកពីបុគ្គលដែលមិនអាចញ៉ាំនំលោកខែបានឡើយ។ តើមាននរណាខ្លះទៅ?
1. អ្នកដែលមានជំងឺទឹកនោមផ្អែមមិនគួរញ៉ាំនំលោកខែធម្មតាឡើយ ព្រោះមានផ្ទុកជាតិស្ករខ្ពស់ក្នុងនោះ ដោយធ្វើឲ្យជំងឺអ្នកកាន់តែធ្ងន់ធ្ងរបាន។ ដូចនេះ បើអ្នកចង់បរិភោគ អ្នកគួរតែពិសារនំលោកខែដែលមានជាតិស្ករទាប ទើបមិនប៉ះពាល់ដល់សុខភាព។
2. អ្នកដែលមានជំងឺលើសសម្ពាធឈាម លើសជាតិខ្លាញ់ ជំងឺដែលទាក់ទង និងសរសៃឈាម មិនគួរពិសារនំលោកខែឡើយ ព្រោះក្នុងនោះមានផ្ទុកសារធាតុដែលអាចធ្វើឲ្យឈាមអ្នកប្រែជាស្អិត ដោយធ្វើឲ្យប៉ះពាល់ដល់ជំងឺអ្នកខ្លាំងណាស់។
3. ចំពោះអ្នកដែលចង់ស្គម មិនគួរពិសារនំលោកខែឡើយ ព្រោះកាឡូរីក្នុងនោះខ្ពស់ ដោយអាចធ្វើឲ្យរាងអ្នកប្រែប្រួលខ្លាំងខុសពីធម្មតា។
4. កូនក្មេង និងមនុស្សចាស់មិនគួរបរិភោគនំលោកខែឡើយ ព្រោះអាចធ្វើឲ្យក្រពះអ្នកពិបាករំលាយអាហារណាស់ ថែមទាំងអាចធ្វើឲ្យអ្នកងាយរាករូសទៀតផង។
5. នារីដែលចង់រក្សាស្បែកមុខស្អាត ក៏មិនគួរញ៉ាំនំលោកខែផងដែរ ព្រោះក្រោយពេលដែលអ្នកបរិភោគច្រើន អាចធ្វើឲ្យមុខអ្នកងាយឡើងមុនជាខ្លាំង។ ដូចនេះ បុគ្គល៥នេះ គួរតែប្រយ័ត្នពេលដែលចង់ពិសារនំលោកខែ៕