ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការធ្វើឲ្យមុខរបរអ្នកអាចដើរទៅមុខបាន ដោយមិនងាយដើរថយក្រោយឡើយ។ តើមានអ្វីខ្លះទៅ?
អតិថិជនគឺជាស្តេចរបស់អ្នក នេះជាពាក្យស្លោកដែលអ្នករាល់គ្នាបានដឹងយូរមកហើយ។ ដូចនេះ វិធីក្នុងការធ្វើឲ្យអ្នកអាចចំណេញបានប្រាក់មានតែចាប់អតិថិជនឲ្យជាប់ កុំឲ្យរបូតពីដៃឲ្យសោះ។ ការចាប់អតិថិជននេះ គឺជារឿងដែលងាយ នៅពេលដែលអ្នកដឹងនូវវិធី។ អ្នកគួរតែចាប់ផ្តើមពីការរក្សាទំនាក់ទំនងល្អជាមួយអតិថិជន ដោយធ្វើយ៉ាងណាឲ្យគេដឹងថា លុយដែលគេយកមកទិញផលិតផលរបស់អ្នក នឹងផ្តល់ប្រយោជន៍ដល់គេច្រើន ដោយមិនធ្វើឲ្យគេខកចិត្តឡើយ។ ជាពិសេស នៅពេលដែលគេត្រូវការជំនួយពីអ្នក អ្នកគួរតែផ្តល់ឲ្យបានទាន់ពេល ទើបអាចជួយកសាងទំនាក់ទំនងអ្នកជាមួយអតិថិជនបានល្អ។ ដូចនេះ បើអ្នកអាចចាប់អតិថិជនបានជាប់ នោះអ្នកនឹងអាចទទួលបានអតិថិជនជាច្រើនទៀត ព្រោះគេនឹងជួយផ្សព្វផ្សាយផលិតផលអ្នកដល់មនុស្សគ្រប់គ្នាបានដឹង និងស្គាល់៕