ខាងក្រោមនេះ យើងខ្ញុំនឹងបង្ហាញអ្នកពីចំណុចដែលអ្នកគួរតែប្រយ័ត្នក្នុងពេលពិសារនំលោកខែ។ តើមានអ្វីខ្លះទៅ?
1. នៅក្នុងនំលោកខែមានផ្ទុកជាតិស្ករខ្ពស់ ថែមទាំងមានខ្លាញ់ខ្ពស់ទៀតផង។ នៅពេលដែលអ្នកញ៉ាំហួសកម្រិត ដោយបរិភោគច្រើន នឹងអាចធ្វើឲ្យក្រពះអ្នកពិបាករំលាយអាហារ ហើមពោះ រាករូស ឬក្រពះ និងពោះវៀនមិនស្រួលជាដើម។ ជាពិសេស អាចធ្វើឲ្យអ្នកក្តៅក្នុងក៏មានដែរ។ ដូចនេះ អ្នកមិនគួរពិសារច្រើនពេកឡើយ។
2. អ្នកមិនគួរញ៉ាំនំលោកខែដែលទុកយូរទេ ព្រោះវាអាចប្រែជារឹង និងមានក្លិនមិនល្អ។ ប្រសិនជាអ្នកញ៉ាំ ពោះអ្នកនឹងអាចធ្វើទុក្ខ ថែមទាំងអាចធ្វើឲ្យអ្នកពុលបានទៀតផង។ ដូចនេះ អ្នកមិនគួរទុកយូរថ្ងៃពេកនោះឡើយ។
3. អ្នកមិនគួរយកនំលោកខែទុកក្នុងទូរទឹកកកនោះទេ ព្រោះវាអាចប្រែជារឹង និងមានរអ្នកអាចរសជាតិមិនឆ្ងាញ់ឡើយ។ ដូចនេះ អ្នកអាចទុកនៅក្រៅក៏បាន ព្រោះមិនងាយខូចនោះទេ។
4. អ្នកមិនគួរពិសារនំលោកខែនេះនៅពេលយប់ឡើយ ព្រោះអាចធ្វើឲ្យអ្នកងាយធាត់ខ្លាំងណាស់។ ដូចនេះ អ្នកគួរតែពិសារនៅពេលព្រឹក និងថ្ងៃត្រង់ ទើបមិនប៉ះពាល់ដល់សម្ជស្ស និងសុខភាពអ្នក។
5. អ្នកមិនគួរញ៉ាំនំលោកខែជាមួយទឹកក្រូចទេ ព្រោះក្នុងទឹកក្រូចទាំងនោះសុទ្ធតែមានផ្ទុកជាតិស្ករខ្ពស់ រួមទាំងជាតិស្ករក្នុងនំ ដោយធ្វើឲ្យជាតិស្ករក្នុងរាងកាយអ្នកអាចឡើងខ្ពស់ខ្លាំង។ ដូចនេះ នៅពេលដែលអ្នកបរិភោគនំលោកខែ អ្នកគួរតែប្រយ័ត្នឲ្យបានខ្ពស់៕