ការរាករូសដែលមានសុទ្ធតែទឹក អាចកើតឡើងមួយថ្ងៃចាប់ពីបីដងឡើងទៅឯណោះ។ បញ្ហានេះអាចបង្កឡើងដោយបាក់តេរី វីរុស ឬប៉ារ៉ាសិត និងអាចមានរយៈពេលយូរបំផុតពី ២ ទៅ ៤សប្តាហ៍ឯណោះ។ ដូច្នេះយកល្អគួរតែអានបន្តទៀតនូវវិធីព្យាបាលការរាករូសដោយខ្លួនឯង ដែលវានឹងជួយឲ្យអ្នកធូរស្រាលវិញបានកាន់តែលឿនផងដែរ។ ប៉ុន្តែវិធីទាំងនេះអាចមានប្រសិទ្ធភាពបំផុតអាស្រ័យទៅតាមភាពធ្ងន់ធ្ងរ និងមូលហេតុរបស់វាដែរ។
តែបៃតង
តែបៃតងត្រូវបានគេណែនាំឲ្យញ៉ាំរាល់ថ្ងៃដោយសារតែវាអាចជួយសម្រួលដល់បញ្ហាក្រពះបាន ហើយក៏អាចបន្ថយភាពធ្ងន់ធ្ងរ និងរយៈពេលនៃការរាករូសដែរ។
យ៉ាអួ
គ្រាន់តែញ៉ាំយ៉ាអួពីរកែវក៏អាចជួយព្យាបាលការរាករូសបានដែរ ហើយវាក៏ជាវិធីដ៏ល្អបំផុត ហើយងាយស្រួលរកនៅតាមទីផ្សាទៀត។
ទឹកក្រូចឆ្មា
តែក្រូចឆ្មាគឺជាជម្រើសព្យាបាលរាករូសដ៏ល្អបំផុតមួយ។ អ្នកអាចញ៉ាំវាជាទឹកក្តៅឧណ្ហៗក៏បានដែរ ឬលាយទឹកឃ្មុំបន្ថែមដើម្បីបង្កើនរសជាតិ។ ចូរញ៉ាំវា ២ ទៅ៣ដងក្នុងមួយថ្ងៃដើម្បីទទួលបានលទ្ធផលល្អបំផុត។
ទឹកដូង
ទឹកដូងអាចជួយបន្ថយការបញ្ចេញជាតិទឹកពីក្នុងសរីរាង្គទៅក្នុងពោះវៀននាំឲ្យរាកកាន់តែខ្លាំងបាន។ ក្រៅពីនេះ វានឹងជួយសម្រួលដល់ក្រពះដើម្បីបន្ថយការរលាក។ យកល្អគួរតែញ៉ាំវាជារៀងរាល់ ៥ម៉ោងម្តង ឬពីរទៅបីដងក្នុងមួយថ្ងៃ អាស្រ័យទៅតាមភាពធ្ងន់ធ្ងរនៃការរាករូសនេះ។
ខ្ញី
ខ្ញីគឺជាឱសថព្យាបាលធម្មជាតិមួយ ហើយអាចប្រើប្រាស់ជារបបអាហារប្រចាំថ្ងៃបានទៀត។ អ្នកអាចយកខ្ញីមួយដុំ មកដំវាឲ្យម៉តង់ ហើយលាយជាមួយទឹកឃ្មុំមួយស្លាបព្រាកាហ្វេដើម្បីទទួលបានរជាតិផ្អែម។ ចូរកុំញ៉ាំវាភ្លាមអីក្រោយពីលាយជាមួយគ្នារួច។
អង្ករសម្រូប
អង្ករសម្រូបក៏អាចជួយបន្ថយរោគសញ្ញានៃការរាករូសបានតាមរយៈការបឺតស្រូបជាតិទឹកកាន់តែច្រើន និងបន្ថយភាពរឹងរបស់លាមកទៀត។
ចៀសវាងការញ៉ាំអាហារមានជាតិខ្លាញ់ ឬធ្វើពីទឹកដោះគោ
អាហារធ្វើពីទឹកដោះគោគួរតែជារឿងដែលចៀសវាង ព្រោះវាអាចធ្វើឲ្យអាការៈរាករូសកាន់តែធ្ងន់ធ្ងរបាន។ ចំណែកឯ អាហារមានជាតិខ្លាញ់វិញក៏ធ្វើឲ្យក្រពះពិបាករំលាយដែរ ដូច្នេះគួរតែចៀសវាងដូចគ្នា៕
