សម្រាប់មនុស្សស្រីដែលដើរដល់ដំណាក់កាលដែលត្រូវតែលេងលែសគ្នា ដោយខានពុំបាន មិនគួរអស់សង្ឃឹមក្នុងជីវិតទេ ព្រោះអ្នកក៏អាចទទួលបានអត្ថប្រយោជន៍ច្រើនផងដែរ។ តើមានអ្វីខ្លះទៅ?

1.    ប្រសិនជាអ្នកមិនទាន់មានកូន ហើយលេងលែសគ្នា នោះអ្នកនឹងអាចវិលមករកភាពនៅលាវវិញ ដោយអាចដើរលេងដោយសេរី គ្មាននរណាមកគ្រប់គ្រងអ្នកបានឡើយ។ ជាពិសេស អ្នកនឹងមិនសូវឈឺក្បាលនឹងរឿងឈ្លោះប្រកែកគ្នារាល់ថ្ងៃនោះទេ។

2.    ក្រោយពេលដែលអ្នកលែសលេងគ្នារួច នឹងមិនបាច់បន្តធ្វើការងារផ្ទះ ដាំបាយ ធ្វើម្ហូបដល់ប្តីទៀតទេ ដោយអ្នកអាចសល់ពេលវេលាច្រើនដើម្បីធ្វើរឿងដែលអ្នកពេញចិត្ត។ ដូចនេះ អ្នកនឹងអាចសប្បាយចិត្តជាងមុន មិនសូវតឹងចិត្តឡើយ។

3.    អ្នកនឹងមិនបាច់ទ្រាំស្តាប់ និងមើលទឹកមុខរបស់ម្តាយក្មេកអ្នកទៀតទេ ដោយអ្នកអាចមានសេរីភាពបាន មិនបាច់ធ្វើអ្វីដើម្បីផ្គាប់ចិត្តគាត់ឡើយ។ ជាពិសេស មិនចាំបាច់រកនឹកវិធីដើម្បីលួងគាត់ទៀតទេ។

4.    អ្នកនឹងអាចតែងខ្លួនស្អាត ដើរលេងបានគ្រប់ទីកន្លែង ដោយចង់ដើរដល់ម៉ោងប៉ុន្មានក៏គ្មាននរណាឃាត់ដែរ ថែមទាំងមិនមានកើតជម្លោះព្រោះតែរឿងអស់នឹងទៀតផង។

5.    អ្នកនឹងអាចចាប់ផ្តើមត្រឡប់មកគ្រប់គ្រងលុយផ្ទាល់ខ្លួនអ្នកវិញ ហើយចាយតាមសេរី ព្រោះគ្មានគ្រួសារដែលជាបន្ទុកធំ។ ដូចនេះ អ្នកមិនគួរអស់សង្ឃឹមខ្លាំងព្រោះរឿងលេងលែសនេះទេ។ អ្នកគួរតែចាំថានៅមានបុរសល្អជាងនេះទៀត មិនមែនលើលោកមានតែម្នាក់ឡើយ។ អ្នកគួរតែរៀនធ្វើខ្លួនឲ្យរឹងពឹង ទើបម្តាយអ្នកមិនបារម្ភខ្លាំងពីរូបអ្នក ថែមទាំងអាចធ្វើឲ្យអ្នករកឃើញសុភមង្គលពិតទៀតផង៕