ដើម្បីអាចក្លាយជាប្រពន្ធដែលល្អម្នាក់ អ្នកអាចអនុវត្តតាមវិធីខាងក្រោមនេះបាន។ តើមានអ្វីខ្លះទៅ?
1. អ្នកគួរតែរៀនចេះស្រឡាញ់ខ្លួនឯងជាមុនសិន ទើបអ្នកអាចស្រឡាញ់ និងមើលថែទាំគ្រួសារអ្នកបានល្អ។ នៅពេលដែលអ្នកមិនចេះមើលថែទាំខ្លួន នោះគ្រួសារអ្នកមិនអាចមានសុភមង្គលឡើយ។ ដូចនេះ អ្នកនឹងមិនអាចក្លាយជាភរិយាល្អនោះទេ។
2. មិនថាការងារ ឬចំណង់ចំណូលចិត្តទេ អ្នកគួរតែគាំទ្រស្វាមីអ្នកទាំងអស់ ដើម្បីឲ្យគេអាចទទួលបានកម្លាំងចិត្ត និងភាពកក់ក្តៅពីអ្នក។ ដូចនេះ អ្នកនឹងអាចក្លាយជាប្រពន្ធល្អដោយមិនដឹងខ្លួន។
3. ក្រោយពេលដែលអ្នករៀបការរួច អ្នកគួរតែចេះធ្វើម្ហូប ព្រោះមានតែភរិយាដែលចេះធ្វើម្ហូប និងការងារផ្ទះទេ ទើបអាចធ្វើឲ្យប្តីពេញចិត្តខ្លាំង ហើយមកផ្ទះពិសារបាយរហូត ដោយមិននៅក្រៅញ៉ាំឡើយ។ ដូចនេះ មិនថាអ្នកមិនចេះធ្វើម្ហូបដល់កម្រិតណាទេ អ្នកគួរតែរៀនឲ្យចេះមុននឹងរៀបការ។
4. អ្នកគួរតែផ្តល់ភាពភ្ញាក់ផ្អើរដល់ស្វាមីអ្នកនៅពេលដែលដល់ថ្ងៃសំខាន់ ព្រោះបើអ្នកធ្វើបែបនេះ នឹងអាចធ្វើឲ្យស្វាមីអ្នកមើលឃើញក្តីស្រឡាញ់របស់អ្នក។ ដូចនេះ អ្នកនឹងអាចក្លាយជាប្រពន្ធដែលល្អម្នាក់យ៉ាងងាយនៅពេលដែលអ្នកអាចធ្វើតាមវិធីទាំងឡាយខាងលើនេះ៕