ទិដ្ឋភាពគួរឱ្យខ្លាច ដែលស្ត្រីម្នាក់ចាប់កាន់ពីងពាងដ៏ធំដោយដៃទទេរបស់នាង ខណៈវាកំពុងអៀវកូនពីងពាងរាប់រយនៅលើខ្នងរបស់វា ត្រូវបានថតជាប់នៅលើកាមេរ៉ា។
នាង លីសា វ៉ាន គូឡា ដូណូវ៉ាន់ ដែលទទួលស្គាល់ខ្លួនឯងថាមានទំនាក់ទំនងជិតស្និទ្ធជាមួយសត្វល្អិតនិយាយនាងមានសំណាងដែលបាននៅកៀកផ្ទាល់ជាមួយមេពីងពាងចចក និងកូនវា ហើយបានបង្ហោះវីដេអូនេះទៅអ៊ីស្តាក្រាមកាលពីថ្ងៃអង្គារ ទី៨ ឧសភា។
វីដេអូមិនគួរឱ្យជឿនេះបានបង្ហាញពីងពាងយក្សទុំលើម្រាមដៃរបស់នាងដូណូវ៉ាន់យ៉ាងស្ងប់ស្ងៀមជាមួយកូនៗ របស់វានៅលើខ្នង ខណៈពួកវាវារចុះឡើងលើខ្នង មុនពេលប្រញាប់ប្រញាល់វារចូលទៅក្នុងស្មៅនៅខាងក្រោម។
នាងដូណូវ៉ាន់បានសរសេរនៅលើអ៊ីនធឺណេតថា “វាជារឿងគួរឱ្យចាប់អារម្មណ៍បំផុតមួយ ដែលខ្ញុំបានមើលឃើញកៀកបំផុតបែបនេះ”។
ពីងពាងចចក គឺជាប្រភេទពីងពាងស្រឡាញ់កូនវាខ្លាំងសម្បើមណាស់ រហូតដល់ថ្នាក់វាអៀវកូនរបស់វាលើខ្នងទៀតផង៕
ប្រភព៖ rasmeinews.com