អស់រយៈពេលជិត ១០ឆ្នាំមកហើយ ដែលតារាសម្ដែង Nune Woranuch និងស្វាមីបានកាន់ដៃគ្នាឆ្លងកាត់ឧសបសគ្គជាច្រើនក្នុងជីវិត ក្រោយរៀបការ។
ស្របពេលនៃខួបគម្រប់ ៨ឆ្នាំ នៃមង្គលការរបស់ខ្លួន Nune ដែលប្រជាជនកម្ពុជាតែងហៅថា “នាងឡាំយ៉ង” បានបង្ហោះរូប១សន្លឹកសាមញ្ញតែបង្កប់ន័យជ្រៅបំផុត ពីក្ដីស្រឡាញ់រវាងនាង និងប្ដី។ រូបនោះ គឺនាងកំពុងអង្គុយ និងផ្អែកក្បាលលើស្មាស្វាមីដែលកំពុងអង្គុយជិត។
ភ្ជាប់ជាមួយរូបនោះ Nune មិនបានសរសេររ៉ាយរ៉ាប់អ្វីវែងឆ្ងាយនោះទេ ក្រៅពីអក្សរ ២តួ គឺ “WP” ដែលតំណាងឈ្មោះនាង (Woranuch) និងប្ដី (Pithi)។
រយៈពេល ៨ឆ្នាំពិតជាកន្លងទៅលឿនប្រាកដណាស់ ប៉ុន្តែក្ដីស្រឡាញ់ និងភាពស្មោះត្រង់ដែលគូស្នេហ៍នេះមានចំពោះគ្នាកាន់តែមានទំហំធំធេង បើទោះពេលនេះពួកគេមិនទាន់មានបុត្រនឹងគេក៏ដោយ៕
ប្រភព៖ sabay.com.kh