តារាចម្រៀង Selena Gomez រន្ធត់ចិត្តយ៉ាងខ្លាំង បន្ទាប់ពីបានឃើញអតីតមិត្តប្រុស The Weeknd ថើបជាមួយគូស្នេហ៍ចាស់គឺតារាម៉ូដែល Bella Hadid ។
“ Selena ស្រែកថា ‘What the hell’ ខណៈពេលនាងដឹងថា Bella និង Abel (ឈ្មោះពិតរបស់តារាចម្រៀង The Weeknd) បានត្រូវរ៉ូវគ្នានៅក្នុងមហោស្រពភាពយន្ត Cannes” នេះជាការឲ្យដឹងពីប្រភពជិតស្និទ្ធនឹងតារាចម្រៀង Selena ។
តាមប្រភពអនាមិកមួយ បានបញ្ជាក់ថា កាលដែលតារាចម្រៀង Selena មិនសប្បាយចិត្តចំពោះស្នេហាថ្មីរបស់ The Weeknd គឺមិនមែនតារាស្រីស្រស់ Selena នៅស្រលាញ់ The Weeknd ឡើយ តែនាងគ្រាន់តែចង់ឲ្យអតីតមិត្តប្រុសដ៏ល្អម្នាក់នេះ មានស្នេហាដ៏ល្អ និងមានសុភមង្គល ព្រោះកន្លងទៅស្នេហារបស់ The Weeknd និង Bella បានប្រេះស្រាំងម្ដងរួចមកហើយ។
គួររំលឹកផងដែរ មុនពេល The Weeknd សាងស្នេហ៍នឹង Selena Gomez តារាប្រុសរូបនេះបានឆ្អែតឆ្អន់នឹងស្នេហាចាស់ជាមួយតារាម៉ូដែល Bella Hadid ម្ដងរួចមកហើយ៕
ប្រភព៖ sabay.com.kh