ក្នុងអាកាសធាតុត្រជាក់បែបនេះ នៅពេលដែលអ្នករួមភេទ អ្នកគួរតែប្រយ័ត្ន ទើបមិនប៉ះពាល់ដល់សុខភាពអ្នក។ តើមានអ្វីខ្លះទៅ?
1. នៅពេលដែលអ្នករួមភេទ អ្នកគួរតែព្យាយាមដោះខោអាវចេញឲ្យរាងយឺតបន្តិច មានន័យថា នៅក្នុងដំណាក់កាលដំបូង អ្នកគួរតែធ្វើយ៉ាងណាឲ្យរាងកាយអ្នកក្តៅសិន ទើបអាចដោះខោអាវចេញបាន ព្រោះបើអ្នកដោះលឿនពេក នឹងអាចធ្វើឲ្យអ្នករងារ ហើយឈឺបាន។ ជាពិសេស ក្រោយពេលដែលអ្នករួមភេទរួច អ្នគគួរតែស្លៀកពាក់ឲ្យលឿនវិញ ដើម្បីកុំឲ្យត្រជាក់ខ្លាំង។
2. សីតុណ្ហភាពក្នុងបន្ទប់អ្នកមិនគួរឲ្យត្រជាក់ពេកនោះទេ។ បើមានខ្យល់ខ្លាំង អ្នកគួរតែបិទបង្អួចមុននឹងរួមភេទ។ ជាពិសេស បើសីតុណ្ហភាពល្មមហើយ អ្នកមិនគួរបើកម៉ាស៊ីនត្រជាក់ទេ ទើបមិនធ្វើឲ្យអ្នកផ្តាសាយក្រោយពេលដែលរួមភេទរួច។
3. ប្រសិនជាអ្នកមានទម្លាប់ងូតទឹកមុន និងក្រោយរួមភេទ អ្នកគួរតែងូតទឹកក្តៅ ព្រោះវាអាចជួយការពារអ្នកមិនឲ្យរងារ ថែមទាំងអាចជួយធ្វើឲ្យឈាមក្នុងរាងកាយអ្នកដើរបានស្រួលទៀតផង។ ជាពិសេស ក៏អាចធ្វើឲ្យអ្នកទាំងពីររួមភេទបានសប្បាយរីករាយផងដែរ។ ដូចនេះ បើអ្នករួមភេទក្នុងអាកាសធាតុត្រជាក់ អ្នកគួរតែប្រយ័ត្នពីចំណុចទាំងឡាយនេះ ទើបមិនឈឺយ៉ាងងាយ៕