ខាងក្រោមនេះ យើងខ្ញុំនឹងបង្ហាញអ្នកពីទម្រង់ទារកក្នុងផ្ទៃក្រោយបានចំនួន៥ខែ។ តើមានអ្វីខ្លះទៅ?

នៅពេលដែលកូនក្នុងផ្ទៃបាន៥ខែ ខ្លួនគេនឹងវែងជាងមុនដោយមានប្រវែងប្រហែល១៦.៥មីលីម៉ែត្រ ហើយទម្ងន់ក៏អាចកើនដល់២៥០ក្រាមផងដែរ។ ម្យ៉ាងទៀត ខួរក្បាលគេក៏ចាប់ផ្តើមលូតលាស់ជាងមុនដែរ។ ជាពិសេស គេអាចហិតដឹងក្លិន ស្តាប់លឺសម្លេង ហើយក៏ចាប់ផ្តើមអាចប្រតិកម្មនឹងពន្លឺនៅក្រៅផងដែរ។ បើនិយាយចំពោះអ្នកម្តាយវិញ ពេលនេះពោះនឹងចាប់ផ្តើមប្រែជាធំ ទម្ងន់នឹងកាន់តែធ្ងន់ ដោយធ្វើឲ្យអ្នកឆាប់មានអារម្មណ៍ថាហត់។ នៅពេលនេះ អ្នកនឹងអាចកើតមានអាការៈហើមជើង ឬរមួលក្រពើជាដើម។ ដូចនេះ អ្នកគួរតែប្រយ័ត្នឲ្យបានខ្ពស់នៅពេលដែលអ្នកពរពោះបានចំនួន៥ខែ៕