ខណៈពេលដែលមិនមានការព្យាបាលឲ្យជាសះស្បើយលើជំងឺភ្លេចភ្លាំងពេលចាស់ជរា វាក៏មានថ្នាំជាច្រើនដែលអាចជួយគ្រប់គ្រងរោគសញ្ញារបស់ជំងឺនេះបានដែរ។ ក្រៅពីប្រើថ្នាំ មានរឿងជាច្រើនដែលគ្រូពេទ្យអាចធ្វើដើម្បីជួយដល់មនុស្សជាទីស្រឡាញ់របស់អ្នកមានភាពធូរស្រាលខ្លះពីជំងឺភ្លេចភ្លាំងនេះ។ យកល្អគួរតែព្យាយាមធ្វើដូចខាងក្រោម៖

  • ចូរប្រាកដថា អ្នកត្រូវបានគេប្រាប់ច្បាស់លាស់អំពីជំងឺនេះ។ ចូរព្យាយាមអានបន្ថែមអំពីការជំនះនានាដូចជា ការបាក់ទឹកចិត្ត ការថប់អារម្មណ៍ និងការធ្វើដំណើរទៅណាមកណាដែលគ្មានគោលដៅ
  • ផ្តល់នូវបរិយាកាសនឹងធឹង ស្ងប់អារម្មណ៍សម្រាប់មនុស្សជាទីស្រឡាញ់របស់អ្នក
  • ចូរជួយមនុស្សជាទីស្រឡាញ់របស់អ្នកដើម្បីបញ្ជាក់អំពីអារម្មណ៍ពួកគាត់
  • ចូរប្រាកដថា មនុស្សជាទីស្រឡាញ់របស់អ្នកស្ថិតក្នុងស្ថានភាពម៉ោងគេងទៀងទាត់៕